Telugu Food Recipes | Delicious Food Recipes

ఫిష్‌తో చేసిన ఐటమ్స్ తినడానికేం? చేప ఈదినంత వీజీగా రెండు చేతులా ఎడాపెడా ఆరగించవచ్చు. కాకపోతే కాస్త ముల్లూ గిల్లూ చూసుకోవాలంతే. ఫిష్ కర్రీ తయారు చేయడం చాలా సులభం. చేపలంటే చాలా మంది ఇష్టపడాతారు. చేపలను తినడం వల్ల ఆరోగ్యమే కాదు, అందం కూడా. నునుపైన చర్మ సౌందర్యం మన సొంతం అవుతుంది. చేపల్లో ఒమేగా 3ఫ్యాటీ యాసిడ్స్ పుష్కలంగా ఉండటం వల్ల ఆరోగ్యానికి చాలా మంచిది. అద్భుతమైన ఫిష్ వెరైటీ వంటకాల్లో ఆంధ్రా ఫిష్ కూడా ఒకటి. ఆంధ్రా ఫిష్ టేస్ట్ సూపర్బ్ గా ఉంటుంది. ఈ ఆంధ్రా స్టైల్ ఫిష్ వంటకాన్ని వండటానికి ఎక్కువ మసాలాలు అవసరం లేదు. అతి తక్కువ పదార్థాలను ఉపయోగించి, తక్కువ సమయంలో సులభంగా చేసుకొనే రుచికరమైన ఫిష్ ఫ్రై ఎలా చేయాలో ఈ రెసిపి ద్వార తెలుసుకుందామా

Prep Time

15 Minutes
Cooking Time

30 Minutes
Servings

1or 2

కావాల్సిన పదార్ధాలు

అర కేజీ చేపలు
రెండు ఉల్లిగడ్డలు
ఐదు పచ్చిమిర్చి
ఒక టీ స్పూన్ అల్లం వెల్లుల్లి పేస్ట్
8 లవంగాలు
రెండు ముక్కలు దాల్చిన చెక్క
రెండు టీ స్పూన్లు‌ ధనియాలపొడి
రెండు స్పూన్లు కారం
సరిపడా‌ ఉప్పు
తగినంత‌ పసుపు
డీప్ ఫ్రై చేయడానికి సరిపడా‌ నూనె

తయారు చేయు విధానం

Step 1
తాజా చేపలను ఒక బౌల్ లోకి తీసుకొని అందులో కొద్దిగా ఉప్పు, పసుపు వేసి చేపలను శుభ్రంగా కడిగి చిన్నచిన్నముక్కలుగా కట్ చేసి పక్కన పెట్టుకొవాలి.
Step 2
తర్వాత ఉల్లిగడ్డలు, పచ్చిమిర్చి చిన్నచిన్న ముక్కలుగా కట్ చేసుకోవాలి. తర్వాత లవంగాలు, దాల్చిన చెక్క, అల్లంవెల్లుల్లి, కట్ చేసి పెట్టుకున్న ఉల్లి, పచ్చిమిర్చిలను మిక్సీలో వేసి మెత్తగా పేస్ట్ చేసుకొవాలి.
Step 3
తర్వాత ఈ పేస్ట్ లో కారం, ఉప్పు, పసుపు, ధనియాలపొడి కలిపి కట్ చేసి పెట్టకున్న చేప ముక్కలకు రెండు వైపులా ఈ మసాలా మిశ్రమాన్ని పట్టించి రెండుగంటల వరకు నాన బెట్టి ఉంచాలి..
Step 4
ఇప్పుడు ఒక పెనం తీసుకొని అందులో నూనె వేసి బాగా కాగిన తర్వాత నాన బెట్టుకున్న చేప ముక్కలను నూనెలో వేసి రెండు వైపులా తిప్పుతూ ఎర్రగా వేగించుకోవాలి. తర్వాత ఒకఫ్లేట్ లోకి తీసుకొని సన్నగా తరిగి పెట్టుకున్న కొత్తిమీరను చల్లుకోవాలి. వీటిని వేడివేడి అన్నంలో కాని విడిగాతిన్నా చాలారుచికరముగా ఉంటాయి.