Telugu Food Recipes | Delicious Food Recipes

సాధారణంగా వర్షాకాలమో, శీతాకాలమో వచ్చిందంటే చాలు ఇంట్లో నుండి అడుగు బయటపెట్టడానికి కూడా ఇష్టం ఉండదు చాలా మందికి. ఎముకలు కొరికే చల్లగాలిలో బద్దకం. వంటగదిలోకి వెళ్ళడానికి మనసు మారాం చేస్తుంది. చలిగాలికి, వర్షానికి గొంతులోకి కాస్త వేడి వేడిగా టీనో, కాఫీనో... కానీ ఎప్పుడూ అవేనా? హాట్ హాట్ సూప్ లు ఉన్నాయి కదా.. ఒక పట్టు పట్టవచ్చు కదా.... వింటర్ సీజన్ ఎంజాయ్ చేయాలంటే వేడి వేడి సూప్ త్రాగండి.. కూరగాయలతోనే కాకుండా మాంసాహారంతో తయారు చేసే సూప్ లు కూడా చాలా రుచిగా ఉంటాయి. చికెన్ స్వీట్ కార్న్ సూప్ ఆరోగ్యంతో పాటు రుచి మరింత అద్భుతంగా ఉంటుంది. మరీ ఈ సూప్ తయారు చేయడం కూడా సులభమే. అనారోగ్య కారణంతో నోటికి రుచి తెలియనప్పుడు ఇటువంటి సూప్ లను తయారు చేసుకొని తాగవచ్చు. ఎలా తయారు చేయ్యాలో మనము ఈ రెసిపిలో చూద్దామా.

Prep Time

20 Minutes
Cooking Time

30 Minutes
Servings

1or 2

కావాల్సిన పదార్ధాలు

100గ్రాములు చికెన్ (బొన్ లేస్)
అర కప్పు క్యారెట్ తురుము
అర కప్పు క్యాబేజ్
రెండు కప్పులు స్వీట్ కార్న్ కార్నెల్స్
ఒక టీ స్పూన్ పెప్పర్ పౌడర్
అర టీ స్పూన్ కారం పొడి
అర కప్పు‌ కార్న్ ఫ్లోర్(మెక్కజొన్న పిండి)
రుచికి సరిపడా ‌ ఉప్పు
తగినంత‌ నూనె

తయారు చేయు విధానం

Step 1
ముందుగా తాజా క్యారెట్, క్యాబేజ్ లను తీసుకోని శుభ్రంగా కడిగి చిన్నచిన్నముక్కలు చేసి పక్కన పెట్టుకొవాలి. ఇప్పుడు ఒక పాత్ర తీసుకొని అందులో ముందుగా శుభ్రం చేసి పెట్టుకొన్న చికెన్ వేసి చిటికెడు పసుపు, కొద్దిగా ఉప్పు వేసి ఒకనిమిషం తర్వాత నీరు వంపేసి పక్కన పెట్టుకోవాలి.
Step 2
ఇప్పుడు ఒక పాత్ర తీసుకొని, అందులో కొద్దిగా నూనె వేసి, నూనె వేడి అయిన తర్వాత అందులో స్వీట్ కార్న్, సన్నగా తరిగిన క్యాబేజ్ మరియు క్యారెట్ ముక్కలు వేసి నాలుగు నిమిషాలు వేగించాలి.
Step 3
తర్వాత నీళ్ళు పోసి క్యారెట్ ల మిశ్రమాన్ని మిక్స్ చేయాలి. ఇప్పుడు వాటికి పెప్పర్ పౌడర్ మరియు చిల్లీ పౌడర్ వేసి మిక్స్ చేయాలి. తర్వాత అందులోనే చికెన్ కూడా వేసి మిక్స్ చేయాలి.
Step 4
ఇప్పుడు ఒక చిన్న బౌల్ తీసుకొని అందులో కొన్ని నీళ్లు మరియు కార్న్ ఫ్లోర్ వేసి బాగా మిక్స్ చేయాలి. ఉండలు లేకుండా మొత్తం మిశ్రమాన్ని కలగలుపుకోవాలి.
Step 5
ఈ మిశ్రమాన్నిఅంతా ఒక పాత్రలో వేసి, రుచికి సరిపడా ఉప్పు వేసి కలగలుపుకోవాలి.
Step 6
ఈ మొత్తం మిశ్రమం అంతా 10-15నిముసాలు మెత్తగా ఉడకనివ్వాలి. అంతే హాట్ హాట్ చికెన్ స్వీట్ కార్న్ సూప్ రెడీ.