Telugu Food Recipes | Delicious Food Recipes

కాకర కాయ పేరంటే చాలూ చాలా మందికి డోకు వచ్చేస్తుంది. అందుకు కారణం చేదంటే చాలా మందికి ఇష్టం ఉండకపోవటం. కానీ, సరిగ్గా వండితే చేదు లేకుండానే కాకరకాయ రుచిని ఆస్వాదించవచ్చు. కాయలో కారం పెట్టి నూనెలో వేగిస్తే కాయపళంగా లాగించేస్తారు. ఆరోగ్యం కావాలంటే వంటల్లో ఆ కాయ ఉండాల్సిందే. ఆ కాయే.. కాకరకాయ. కాకరకాయ ఆరోగ్యానికి ఎంతో మేలు చేస్తుంది. ఈ కాకరకాయ చేదులో ఎన్నో తీయని గుణాలు ఉన్నాయి. ఇది షుగర్ వ్యాది ఉన్నవారికి చాలా మంచి ఆహారం. శనగపిండితో చేసుకునే ఈ వేపుడు సైడ్ డిష్ కి బాగా పనికొస్తుంది. మరి ఇది ఎలా చేయాలో ఇప్పుడు చూద్దాం...

Prep Time

20 Minutes
Cooking Time

30 Minutes
Servings

4

కావాల్సిన పదార్ధాలు

అర కేజీ కాకరకాయలు
వంద గ్రాముల శనగపిండి
1 టీ స్పూన్ కారం
అరకప్పు నూనె
అర టీ స్పూన్ పసుపు
తగినంత ఉప్పు

తయారు చేయు విధానం

Step 1
ముందుగా కాకరకాయలు నిలువుగా కట్ చేసి లోపలి గింజలు తీసి నాలుగు వైపులా కట్ చేసుకోవాలి (పూర్తిగా కాకుండా గుత్తి వంకాయలాగా మధ్యలో చీల్చి) కట్ చేసుకోవాలి.
Step 2
ఈ కాకరకాయలను నీళ్లలో వేసి, పసుపు వేసి ఉడికించి నీళ్లు తీసి పక్కన పెట్టుకోవాలి.
Step 3
శనగపిండిలో కారం, ఉప్పు, కొద్దిగా నూనె వేసి తడిపొడిగా కలపాలి. ఈ శనగపిండి మిశ్రమాన్ని ఉడికించిన కాకరకాయలలో కూరుకోవాలి (గుత్తి వంకాయలలో మసాల కూరినట్లు)
Step 4
ఇప్పుడు కడాయిలో నూనె వేసి నూనె కాగిన తరువాత కాకరకాయ ముక్కలను ఒక్కొక్కటిగా వేసి విడిపోకుండా జాగ్రత్తగా తిప్పుతూ ఫ్రై చేయాలి కాకర కాయలు బాగా ఎర్రగా వేగిన తరువాత స్టవ్ ఆఫ్ చేయాలి చేదు లేకుండా తినడానికి ఎంతో రుచిగా ఉంటుంది.
Step 5
రైస్ లోకి పప్పు, సాంబార్ లాంటి వాటికి తోడుగా దీనిని నంచుకుంటూ తింటుంటే... మ్ మ్ మ్.....