Telugu Food Recipes | Delicious Food Recipes

చేమ గడ్డ/దుంప వంటకాలలో ఫ్రై ప్రథమ స్థానంలో ఉంటుంది. ఆ తర్వాత పులుసు. ఈ రెండు కాకుండా మిక్స్ డ్ వెజిటెబుల్స్ లో అప్పుడప్పుడూ ఈ దుంపను వాడుతుంటారు. అయితే పప్పు కాంబినేషన్ తో ఉన్న కూర నోటికి రుచిగా ఉండటమే కాదు, ఆరోగ్యాన్ని అందిస్తుంది. తెలంగాణ వంటకాలలో ముఖ్యంగా నిలిచే ఈ వంటకం ఎలా చేయాలో ఇప్పుడు తెలుసుకుందాం.

Prep Time

20 Minutes
Cooking Time

30 Minutes
Servings

4

కావాల్సిన పదార్ధాలు

200 గ్రాముల కందిపప్పు
200 గ్రాముల చేమగడ్డలు
ఒక పెద్ద సైజు టమాటో (చిన్నగా తరుముకోవాలి)
పావుకప్పు చింతపండు పులుసు
ఒక ఉల్లిపాయ(మీడియం సైజు)
టీ స్పూను పచ్చి మిర్చి తరుగు
కరివేపాకు (2 రెమ్మలు)
కాస్త కొత్తిమీర
పావు టీ స్పూను గరంమసాలా పొడి
అర టీ స్పూను పసుపు
టీ స్పూను మిరప్పొడి
టీ స్పూను అల్లం వెల్లుల్లి ముద్ద
అర టీ స్పూను ఆవాలు, జీలకర్ర
3 టీ స్పూన్ల నూనె
తగినంత ఉప్పు

తయారు చేయు విధానం

Step 1
కందిపప్పు కడిగి నీళ్లు పోసి సగం పసుపు కొంచెం నూనె వేసి ఉడికించాలి. చేమగడ్డలు పొట్టు తీసి ముక్కలుగా తరిగి పెట్టుకోవాలి.
Step 2
బాణలిలో నూనె వేడి చేసి ఆవాలు, జీలకర్ర వేసి చిటపటలాడాక, సన్నగా తరిగిన ఉల్లిపాయ, కరివేపాకు వేసి మెత్తబడేవరకు ఉంచాలి.
Step 3
ఆపై పసుపు, మిరప్పొడి, అల్లం వెల్లుల్లి ముద్ద వేసి నిమిషం సేపు వేయించి చేమగడ్డలు, వాటికి తగినంత ఉప్పు వేసి కలిపి మూత పెట్టాలి.
Step 4
చేమగడ్డలు కొద్దిగా వేగిన తర్వాత సన్నగా తరిగిన టొమాటో ముక్కలు, పచ్చి మిర్చి తరుగు వేసి అందులో చింతపండు పులుసు, అర కప్పు నీళ్లు పోసి, బాగా కలిపి మూత పెట్టి ఉడికించాలి.
Step 5
చేమగడ్డలు మెత్తబడ్డ తర్వాత ఉడికించిన కందిపప్పు, తగినంత ఉప్పు వేసి కలిపి మరి కొద్దిసేపు ఉడికించాలి. చివర్లో గరంమసాలా పొడి, కొత్తిమీర వేసి కలిపి దించేయాలి.
Step 5
వేడివేడి చేమ గడ్డ పప్పును అన్నంలోకే కాదు, చపాతీ, పూరీలోకి కూడా నంజుకోవచ్చు.