Telugu Food Recipes | Delicious Food Recipes

పాల పదార్థమైన పనీర్ మన దగ్గర ఎక్కువగా తీసుకుంటూ ఉంటాం. పనీర్ తో భారతీయ వంటల్లో రకరకాలు వెరైటీలు చెయ్యవచ్చు. పనీర్ తో అదిరిపోయే కుర్మాను ఎలా తయారు చేసుకోవచ్చో మీరు కూడా తెలుసుకోండి. ఇంటిల్లిపాదికి ఎంతో రుచికరమైన పనీర్ కుర్మాను చేసిపెట్టండి.

Prep Time

30 Minutes
Cooking Time

25 Minutes
Servings

4

కావాల్సిన పదార్ధాలు

పనీర్ (కాటేజ్ చీజ్) - 250 గ్రా.
టొమాటోలు - 4;
ఉల్లిపాయలు - 3
అల్లంముక్క - చిన్నది;
పచ్చిమిర్చి - 2
కోవా - 75 గ్రా.,
క్రీమ్ - 1 గ్రా.
కారం - అర టీ స్పూన్;
పసుపు - పావు టీ స్పూన్
గరంమసాలా - అర టీ స్పూన్
బటర్ లేదా నెయ్యి - 2 టేబుల్‌స్పూన్లు

తయారు చేయు విధానం

పనీర్‌ను చతురస్రాకారంలో కట్ చేసుకోవాలి. ఉల్లిపాయలు, టొమాటో, అల్లం ముక్క, పచ్చిమిర్చి కలిపి గ్రైండ్ చేయాలి కోవాను తురమాలి పాన్ మీద బటర్ లేదా నెయ్యి వేసి వేడి చేయాలి. దీంట్లో గ్రైండ్ చేసిన మిశ్రమాన్ని వేసి కలిపి, వేయించాలి సన్నని మంట మీద నెయ్యి లేదా నూనె పైకి తేలేంతవరకు అడుగు మాడకుండా ఉడికించాలి. దీంట్లో కోవా, క్రీమ్ కలిపి, రెండు నిముషాలు ఉంచాలి ఉప్పు, కారం, పసుపు, గరంమసాలా, చీజ్ కలిపిన తర్వాత అర కప్పు నీళ్లు పోయాలి. గ్రేవీ చిక్కబడ్డాక, దించి వేడి వేడిగా వడ్డించాలి. రోటీ, రైస్‌లోకి పనీర్ కుర్మా పసందుగా ఉంటుంది.