Telugu Food Recipes | Delicious Food Recipes

చికెన్, మటన్ లో కంటే సీ ఫుడ్స్ అయిన చేపలు, రొయ్యలు లాంటి వాటిల్లోనే పోషకాలు ఎక్కువగా ఉంటాయన్నది తెలిసిందే. అందుకే వాటిని ఎక్కువగా తీసుకోవాలంటూ వైద్యులు సైతం సూచిస్తుంటారు. ఖనిజ లవణాలు ఎక్కువగా ఉండే చేపలతో రకరకాల వంటకాలు చేసుకోవచ్చు. తూర్పు ఇండియా రాష్ట్రాలైన ఒడిషా, పశ్చిమ బెంగాల్ లో బాగా ఫేమస్ అయిన మస్టర్ట్ ఫిష్ కర్రీ ఎలా చేసుకోవాలో ఇప్పుడు చూద్దాం.

Prep Time

25 Minutes
Cooking Time

35 Minutes
Servings

4

కావాల్సిన పదార్ధాలు

నాలుగు పెద్ద చేప ముక్కలు(ఏరకమైనా)
రెండు ఉల్లిపాయలు
3 టమోటోలు
ఒక బంగాళదుంప: 1
3 టీస్పూన్ల ఆవాలు(నీళ్లలో నానబెట్టాలి)
3 వెల్లుల్లి రెబ్బలు
చిన్న ముక్క అల్లం
2 స్పూన్ల కారం
అర స్పూన్ పసుపు
ఉప్పు: రుచికి సరిపడా
సరిపడేంత నూనె
అర కప్పు పెరుగు : 1/2cup
కట్ట కొత్తిమీర

తయారు చేయు విధానం

Step 1
ముందుగా నీళ్లలో నానబెట్టిన ఆవాలు, అల్లం, వెల్లుల్లి రెబ్బలు మిక్సీలో వేసి మెత్గగా పేస్ట్ చేసుకోవాలి.
Step 2
తర్వాత చేపముక్కలను శుభ్రంగా కడిగి వాటిరి అరచెంచా కారం, పసుపు, కొద్దిగా ఉప్పు పట్టించి అరగంట పాటు పక్కన పెట్టుకోవాలి.
Step 3
ఇప్పుడు పాన్ లో ముప్పావు వంతు నూనె వేసుకొని, వేడిచేసి చేపముక్కల్ని వేయించుకుని పక్కన పెట్టుకోవాలి.
Step 4
అదే పాన్ లో మిగిలిన నూనె వేసి ఉల్లిపాయ ముక్కులు వేసి వేయించుకోవాలి.
Step 5
తర్వాత అందులోనే టమోటో ముక్కలు వేసి వేయించుకోవాలి. ఐదు నిముషాల తర్వాత ముందుగా మిక్సీలో చేసిపెట్టుకొన్న ఆవ పేస్ట్ వేసి, రెండు మూడు నిముషాలు వేగించుకోవాలి.
Step 5
తర్వాత అందులోనే ఉప్పు, కారం, వేసి మిక్స్ చేసి నీళ్లు పోసి మూత పెట్టేయాలి. ఇది గ్రేవీలా తయారయ్యాక గిలకొట్టిన పెరుగు వేయాలి.
Step 5
వేయించిన చేపముక్కల్ని కూడా వేసి మంట తగ్గించి మూత పెట్టేయాలి. కొన్ని నిముషాలకు చేపముక్కలు బాగా ఉడుకుతాయి.
Step 5
చివరగా కొత్తిమీర తరుగు చిలకరించి పక్కకు దింపుకోవాలి.