Telugu Food Recipes | Delicious Food Recipes

కాలీఫ్లవర్‌ విదేశాల నుండి పరిచయం అయినప్పటికీ మనదగ్గరి దీనికి ఆదరణ బాగానే ఉంటుంది. కాస్త ధర ఎక్కువైనప్పటికీ, సి విటమిన్‌ పుష్కలంగా ఉండటంతో దీని తీసుకోవటం చాలా మంచిది. క్యాన్సర్‌ నిరోధక కారకాలైన బయో ఫ్లావనాయిడ్స్‌ కాలీఫ్లవర్‌లో పుష్కలంగా ఉంటాయి. కాలీఫ్లవర్‌లో విటమిన్స్ పుష్కలంగా ఉన్నాయి. విటమిన్ బి1, బి2, బి3, బి5, బి6, బి9లు ఉన్నాయి. అంతేగాకుండా ప్రోటీన్లు, ఫాస్పరస్, పొటాషియంలు కూడా కలిగివుంది. అందుచేత వారానికి రెండు లేదా మూడు సార్లు క్యాలీఫ్లవర్‌ను వంటకాల్లో చేర్చుకోవడం ఆరోగ్యానికి ఎంతో మంచిదని న్యూట్రీషన్లు అంటున్నారు. దీనిని తీసుకోడానికి ఉన్న మార్గాల్లో ఒకటి ఎగ్ తో కలిపి వండుకోవటమే. అది ఎలాగో ఇప్పుడు చూద్దాం.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

కాలీఫ్లవర్‌(చిన్నసైజు): 1
గుడ్లు: 3
కారం: 4tsp
ఉప్పు: రుచికి తగినంత
పసుపు: చిటికెడు
నూనె: సరిపడా
కొత్తిమీర: 1కట్ట
ఆవాలు: 1/2tsp
మినపప్పు: 1/2tsp
జీలకర్ర: 1/2tsp
కరివేపాకు: రెండు రెమ్మలు

తయారు చేయు విధానం

Step 1
ముందుగా కాలీఫ్లవర్‌ ను చిన్నగా కట్‌ చేసుకోవాలి. లేదా తురుము కోవాలి.
Step 2
ఆ తర్వాత పోపు తాలింపు పెట్టి క్యాలీఫ్లవర్‌ వేసి ఉప్పు, పసుపు, కారం వేసి నూనెలో బాగా మగ్గనివ్వాలి.
Step 3
ఆ తర్వాత కొద్దిగా నీరు(చిన్న గ్లాసు) పోసి ఉడుకుతుండగా గుడ్లు కొట్టి వెయ్యాలి. (నీరు కొద్దిగా వేయాలి. లేకపోతే కూర ముద్దగా ఉంటుంది).
Step 4
ఆతర్వాత బాగా నూనెలో వేయించి దించుకునే ముందు కొత్తిమీర వేసుకుని దించుకోవాలి.
Step 5
రుచికరమైన కాలీప్లవర్ ఎగ్ ప్రై రెడీ. అన్నంతోగానీ, చపాతీగానీ దీనిని తీసుకుంటే బాగుంటుంది.