Telugu Food Recipes | Delicious Food Recipes

కమలా పండ్లను ఇష్టంగా తినేవారు చాలా మందే ఉంటారు. సిట్రస్ కుటుంబానికి చెందిన ఈ పండును తీసుకోవటం వల్ల విటమిన్ సీ సమృద్ధిగా లభిస్తుంది. మరి వాటి తొక్కలను ఏం చేస్తారు? పడేస్తామనేగా చెప్పేది. ఫైబర్ అధికంగా వాటితో రుచికరమైన కూర కూడా వండుకోవచ్చు. అది ఎలాగో ఇప్పుడు తెలుసుకుందాం.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

ఒక కప్పు కమలా తొక్కలు
ఒక ఉల్లిపాయ(మీడియం సైజు)
టమోటో (ఒకటి)
వెల్లుల్లి రెబ్బలు - ఆరు
చింతపండు - నిమ్మకాయ సైజులో
ఒక టీస్పూన్ కారం
మూడు టీస్పూన్లు ధనియాల పొడి
అర టీస్పూన్ పసుపు
తాలింపు కోసం:
నాలుగు టేబుల్‌ స్పూన్లు నూనె(నువ్వు)
ఆవాలు - ఒక టీస్పూన్‌
రెండు టీస్పూన్లు మినపప్పు
జీలకర్ర - ఒక టీస్పూన్‌
రెండు టీస్పూన్లు - శనగపప్పు

తయారు చేయు విధానం

Step 1
ముందుగా కమలా తొక్క లోపల తెల్లగా ఉండే తీగల్ని ముందుగా తీసేయాలి. లేకుంటే కర్రీ చేదు అయిపోతుంది.
Step 2
ఆపై ఉల్లి, టొమాటో ముక్కలు తరగాలి. కమలా తొక్కల్ని సన్నటి ముక్కలుగా చేసి పెట్టుకోవాలి.
Step 3
వేడిచేసిన నూనెలో ఆవాలు వేసి అవి చిటపటమనేప్పుడు శనగ పప్పు, మినపప్పు, జీలకర్ర వేసి బంగారు రంగు వచ్చే వరకు వేగించాలి.
Step 4
తరువాత ఉల్లి, వెల్లుల్లి ముక్కలు వేయాలి. ఉల్లి ముక్కలు మెత్తబడగానే కమలా తొక్కల తరుగు, టొమాటొ తరుగు వేసి మూడు నిమిషాలు ఉడికించాలి
Step 5
ఆ తరువాత కారం, ధనియాల పొడి వేసి మరో నిమిషం పాటు వేయించాలి. పచ్చి వాసన పోయేవరకు స్టవ్‌ మీదే ఉంచాలి.
Step 6
అంతే కమలా తోక్క గ్రేవీ రెడీ. గ్రేవీ ఇష్టం లేనివారు అందులో గ్లాసు నీరును పోసి స్టవ్‌ మీద ఉడికించాలి.
Step 7
అంతే కమలా తొక్క కూర రెడీ అయినట్లే.. ఈ కూరని వేడివేడి అన్నం, ఇడ్లీ లేదా దోసెలతో తింటే చాలా బాగుంటుంది.