Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రాజ్మా మట్టర్ పులావ్ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

45 Minutes
Servings

2-6

కావాల్సిన పదార్ధాలు

బాస్మతి రైస్ : ఒక కప్పు
ఉడికించిన రాజ్మా : పావు కప్పు
మట్టర్ ( పచ్చిబఠాణీ ) : పావు కప్పు
ఉల్లిపాయ ముక్కలు : రెండు స్పూన్లు
పచ్చిమిర్చి చీలికలు : రెండు
కర్వేపాకు : ఒక రెమ్మ
పుదీనా : కొంచెం
కొత్తిమీర : కొంచెం
కర్వేపాకు :ఒకరెమ్మ
అల్లం వెల్లుల్లి పేస్ట్ : ఒక స్పూన్
షాజీరా : ఒక స్పూన్
బిరియాని ఆకూ : రెండు
లవంగం : నాలుగు
ఇలాచీ : నాలుగు
చెక్క : చిన్న ముక్క
కారం : అరస్పూన్
పసుపు : చిటికెడు
గరం మాసాల : ఒక స్పూన్
సాల్ట్ : తగినంత
జీడిపప్పు : ఆరు
నెయ్యి : రెండు స్పూన్లు
ఆయిల్ : రెండు స్పూన్లు

తయారు చేయు విధానం

Step 1
బాస్మతి రైస్ ను ముందుగా కడిగి ఒక అరగంటపాటు నాననివ్వాలి .
Step 2
స్టవ్ వెలిగించి గిన్నె పెట్టి అందులో వాటర్ వేసి మరగనివ్వాలి , మరిగాక అందులో షాజీరా , బిరియాని ఆకూ , లవంగం, ఇలాచీ , చెక్క , సాల్ట్ , ఒక స్పూన్ ఆయిల్ వేసి కలుపుకోవాలి అందులో ముందుగా నానపెట్టుకున్న బాస్మతి రైస్ వేసుకుని ఉడికించుకోవాలి . ఉడికాక ఒక జల్లెడ దాంట్లో వేసుకుని వాడకట్టుకోవాలి, దానిపైన చల్లని వాటర్ వేసుకుని ఉంచుకోవాలి, ఇలా చేస్తే రైస్ పొడి పొడి గా ఉంటుంది .
Step 3
ఇప్పుడు పాన్ పెట్టుకుని అందులో నెయ్యి ,కొంచెం ఆయిల్ వేసుకుని వేడి ఎక్కాక అందులో జీడిపప్పు , ఉల్లిపాయముక్కలు వేసి , బ్రౌన్ రంగు వచ్చేవరకు వేగనివ్వాలి.
Step 4
ఇందులో అల్లం వెల్లుల్లిపేస్ట్ , పచ్చిమిర్చిచీలికలు , కర్వేపాకు , పసుపు వేసి వేగనివ్వాలి. వేగాక అందులో ఉడికించుకున్న రాజ్మా , మట్టర్ (బఠాణీ ) వేసుకుని మరికాసేపు వేపి అందులో పుదీనా , కొత్తిమీర, కారం, తగినంత సాల్ట్ వేసి కలిపి ఇందులో ముందుగా ఉడికించుకున్న బాస్మతి రైస్ వేసి కలుపుకుని గరం మసాలా వేసి టాస్ చేసుకుని కొత్తిమీర వేసుకుని స్టవ్ ఆఫ్ చేసుకుని దించుకోవాలి..