Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆంధ్ర కొబ్బరి బూరెలు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

40 Minutes
Servings

2-8

కావాల్సిన పదార్ధాలు

బియ్యం : ఒక కేజీ
బెల్లం : పావు అరకేజీ
కొబ్బరికాయలు : రెండు
ఇలాచీ పొడి : ఒక స్పూన్
డాల్డా : వంద గ్రాములు
ఆయిల్ : సరిపడా

తయారు చేయు విధానం

Step 1
ముందుగా బియ్యంని కడిగి రాత్రంతా నానపెట్టి, ఉదయం బియ్యం వార్చి ఆరబెట్టి పిండి ఆడించుకోవాలి .
Step 2
ఇంకా బెల్లాన్ని మెత్తగా దంచుకుని పెట్టుకోవాలి, కొబ్బరికాయలను కొట్టి తురుము తీసుకోవాలి .
Step 3
ఇప్పుడు బెల్లం తురుమును ఒక లోతైన గిన్నె లోకి తీసుకుని స్టవ్ మీద పెట్టి తీగ పాకం వచ్చేవరకు కలుపుతూ ఉండాలి, ఇప్పుడు కొంచెం వాటర్ ని ఒక గిన్నెలోకి తీసుకుని అందులో ఈ బెల్లం పాకం వేస్తె అది చేతి కి అంటుకునేలా ఉండాలి.
Step 4
ఇప్పుడు ఆ పాకంలో కొబ్బరితురుము, ఇలాచీ పొడి వేసి కలిపి, డాల్డా కూడా వేసి మరొకసారి బాగా కలుపుకోవాలి.
Step 5
తరువాత ఈ బెల్లం మిశ్రమం లో బియ్యం పిండి కొంచెం కొంచెం వేస్తూ చెక్క గరిటతో కలుపుతూ ఉండాలి, దీనికి ఇద్దరు ఉండాలి ఒకరు పిండి పోస్తూ ఉంటే మరొకరు కలుపుతూ ఉండలు చుట్టకుండా కలపాలి.
Step 6
ఇప్పుడు స్టవ్ ఆఫ్ చేసి గిన్నె ని కిందకి పెట్టి మరొకసారి పిండి అంత కాలేసాలగా కలుపుతూ మెత్తిన ముద్దలాగా కలుపుకోవాలి, ఇప్పుడు ఈ పిండి కొంచెం చల్లారాక అరటి ఆకు (లేదా మిల్క్ కవరు) ని తీసుకుని దానికి ఆయిల్ రాసుకుని ఈ పిండి ని చేత్తో చిన్న చిన్న ముద్దగా తీసుకుని కవరు పైన చిన్న చిన్న పూరి లాగా చేత్తో వత్తుకోవాలి.
Step 7
ఇప్పుడు స్టవ్ వెలిగించి కడాయి పెట్టి డీప్ ఫ్రై కి సరిపడా ఆయిల్ వేసి కాగాక అందులో ఈ కొబ్బరి బూరెలు వేసుకుని రెండువైపులా దోరగా వేయించుకుని తీసుకోవాలి..