Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మెంతికూర పప్పు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

మెంతికూర : మూడు కట్టలు
కందిపప్పు :వంద గ్రాములు
టమోటో ముక్కలు : అర కప్పు
పచ్చిమిర్చి ముక్కలు ( చీల్చినవి ) : రెండు
ఉల్లిపాయముక్కలు : ఒక రెండు స్పూన్లు
కర్వేపాకు : ఒక రెమ్మ
వెల్లుల్లిపాయలు : నాలుగు
ఎండుమిర్చి : రెండు
జీలకర్ర : ఒక స్పూన్
ఆవాలు : ఒక స్పూన్
ఇంగువ : చిటికెడు
పసుపు : అర స్పూన్
కారం : ఒక స్పూన్
సాల్ట్ : తగినంత
ఆయిల్ : సరిపడంతా
కొత్తిమీర : కొద్దిగా

తయారు చేయు విధానం

Step 1
ముందుగా మెంతికూర ఆకులను తీసుకుని కడుక్కొని పక్కన పెట్టుకోవాలి .
Step 2
పప్పు ని కూడా కడిగి ఒక అర గంట నాననిచ్చి , అందులో తగినంత వాటర్ వేసి ఉడకపెట్టుకుని పక్కనపెట్టుకోవాలి .
Step 3
ఇప్పుడు స్టవ్ వెలిగించి పాన్ పెట్టి ఆయిల్ వేసి వేడి ఎక్కాక అందులో ఆవాలు , జీలకర్ర , వెల్లుల్లి రెబ్బలు (దంచినవి) , ఎండు మిర్చి , కర్వేపాకు , అన్ని వేసి వేపుకోవాలి , అందులోనే ఇంగువ కూడా వేసి వేపాలి .
Step 4
ఇప్పుడు ఇందులో ఉల్లిపాయ ముక్కలు , పచ్చిమిర్చిముక్కలు, వేసి బాగా వేపాలి . తర్వాత ఇందులో మెంతికూర ను కూడా వేసి వేపి కొంచెం సేపు మగ్గక టమోటో ముక్కలను కూడా వేసి వేపుకుని ఒక 5 నిముషాలు మూత పెట్టి మగ్గనివ్వాలి .
Step 5
మగ్గాక అందులో సాల్ట్ , కారం , పసుపు ,వేసి కలుపుకుని అందులో ముందుగా ఉడక పెట్టుకున్న పప్పు ను కూడా వేసి కలిపి అవసరమైతే కొంచెం వాటర్ కూడా వేసి కలిపి ఒక 5 నిముషాలు ఉడకనివ్వాలి … స్టవ్ ఆఫ్ చేసుకుని కొంచెం కొత్తిమీర వేసుకుని దించుకోవాలి. అంతే ఎంతో రుచికరమైన, ఆరోగ్యకరమైన మెంతికూర పప్పు రెడీ …