Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పుణుకుల మజ్జిగ పులుసు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

20 Minutes
Servings

2-6

కావాల్సిన పదార్ధాలు

శనగపిండి – ఒక కప్పు
పెరుగు – 2 కప్పులు
పసుపు – పావు టీ స్పూను
ఉల్లిపాయముక్కలు – రెండు స్పూన్లు
పచ్చిమిర్చిముక్కలు -ఒక స్పూన్
కరివేపాకు – 4 రెబ్బలు
కొత్తిమీర – 1 కట్ట
ధనియాలపొడి – 1 స్పూను
నెయ్యి – అర స్పూను
ఎండుమిర్చి – 4
ఆవాలు, జీలకర్ర, మినపప్పు అన్నీ కలిపి -ఒక స్పూన్
ఇంగువ – చిటికెడు
తినే సోడా : చిటికెడు
సాల్ట్ : తగినంత
మసాలాపొడి : అరస్పూన్
ఆయిల్ : సరిపడంతా

తయారు చేయు విధానం

Step 1
ముందుగా ఒక గిన్నె తీసుకుని అందులో శనగపిండి, కారం, ధనియాలపొడి, మసాలపొడి, ఉప్పు, చిటికెడు వంటసోడా వేసి తగినంత నీరు కలిపి జారుగా కలిపి పక్కనుంచుకోవాలి.
Step 2
ఇప్పుడు స్టవ్ వెలిగించి పాన్ పెట్టుకుని ఆయిల్ వేసి వేడి ఎక్కాక అందులో ముందుగా కలిపిపెట్టుకున్న పునుగులా పిండిని తీసుకుని కొంచెం కొంచెం గా చేత్తో పుణుకులు లాగా వేసుకుని వేయించుకుని తీసుకోవాలి .
Step 3
ఒక గిన్నె తీసుకుని అందులో పెరుగు, తగినంత నీరు, పసుపు, పచ్చి మిర్చి ముక్కలు, ఉల్లిపాయముక్కలు, కొంచెం శనగపిండి, కరివేపాకు, కొత్తిమీర తురుము , సాల్ట్ అన్ని వేసి బాగా కలుపుకోవాలి .
Step 4
ఇప్పుడు స్టవ్ వెలిగించి పాన్ పెట్టి వేడి ఎక్కాక నెయ్యి వేసి ఇంగువ వేసివేగాక ఎండుమిర్చి, పోపు దినుసులు వేసి, బాగా వేగాక మజ్జిగ మిశ్రమాన్ని కలిపి 5 నిమిషాలపాటు సన్నని సెగమీద మరగ నివ్వాలి.
Step 5
తరువాత ఈ మజ్జిగ పులుసులో పుణుగులను, వడ్డించుకోవడానికి 5 నిమిషాల ముందు వేసి నానబెట్టాలి.అంతే పుణుకుల పులుసు రెడీ