Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పనీర్ అంగా ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-4

కావాల్సిన పదార్ధాలు

పనీర్ - 100 గ్రా;
కారం - 2 టీ స్పూన్లు;
పసుపు - తగినంత;
ఉప్పు - తగినంత;
జీడిపప్పు పొడి - 10 గ్రా;
తర్బూజాగింజలు - 10 గ్రా;
అజినమోటో - అర టీ స్పూన్;
బటర్ - 10 గ్రా;
అల్లం వెల్లుల్లి పేస్ట్ - 100 గ్రా;
ఉల్లిపాయలు - 2;
టొమాటోలు - 4;
గరంమసాలా - టీ స్పూన్;
మిరియాలు - 10 గింజలు;
ఎండుమిర్చి - 10;
కొబ్బరిపొడి - రెండు టీ స్పూన్లు,
క్యాప్సికమ్ ముక్కలు - కొద్దిగా.

తయారు చేయు విధానం

Step 1
ముందుగా ఉల్లిపాయలు, టొమాటోలను చిన్నముక్కలుగా చేసి ఉంచుకోవాలి
Step 2
ఎండుకొబ్బరి, జీడిపప్పుపొడి, తర్బూజాగింజలు, కొద్దిగా నీరు కలిపి మిక్సీలో వేసి మెత్తటి పేస్ట్‌లా చేసుకోవాలి
Step 3
స్టౌ వెలిగించి బాణలిలో నూనె వేసి కాగిన తరవాత ఉల్లితరుగు వేసి బంగారురంగు వచ్చేవరకు వేయించాలి
Step 4
టొమాటోముక్కలు, అల్లం వెల్లుల్లి పేస్ట్ వేసి బాగా కలపాలి
Step 5
కారం, పసుపు, తగినంత ఉప్పు వేసి కలిపి 5 నిముషాలు ఉడికించాలి
Step 6
ముందుగా తయారుచేసి ఉంచుకున్న ఎండుకొబ్బరి, జీడిపప్పు పొడి, తర్బూజా గింజల పేస్ట్, కొద్దిగా నీరు పోసి రెండు మూడు నిముషాలు ఉడికించి దింపేముందు కారం, గరంమసాలా వేయాలి
Step 7
చివరగా మిరియాలు, ఎండుమిర్చి, పనీర్‌ముక్కలు వేసి కలిపి కొద్దిగా ఉడికించి, క్యాప్సికమ్ + టొమాటో ముక్కలతో గార్నిష్ చేసి వేడివేడిగా సర్వ్ చేయాలి.