Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రాజ్‌భోగ్ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

పాలు 1 లీటరు
పంచదార - 1 కప్పు
నీళ్లు - రెండున్నర కప్పులు
వెనిగర్ - 1 స్పూన్
బొంబాయిరవ్వ - 1 స్పూన్
పచ్చికోవా - 1 స్పూన్
రోజ్‌వాటర్ - 1 స్పూన్
జీడిపప్పు - ఆరు పలుకులు
బాదం పప్పు- ఆరు పలుకులు

తయారు చేయు విధానం

Step 1
పాలను మరిగించిన తరువాత, స్పూన్ వెనిగర్‌ను స్పూన్ నీళ్లలో కలిపి, పాలలో వేయాలి. దీంతో పాలు విరిగిపోతాయి.
Step 2
ఇప్పుడా పాలను తీసి సన్నటి మంచి క్లాత్‌లో వేసి నీటిని వేరు చేయాలి. మిగిలిన చిక్కటి మిశ్రమం (చనా)కు రవ్వ కలిపి బాగా మెదాయించాలి.
Step 3
ఇప్పుడా మిశ్రమాన్ని చిన్న చిన్న ఉండలుగా చేసి పక్కన పెట్టాలి. జీడిపప్పు, బాదంపప్పును సన్నగా గ్రైండ్ చేసి, కోవా కలపాలి.
Step 4
ఇప్పుడు ముందుగా తయారు చేసి పక్కన పెట్టుకున్న పాల విరుగు వుండలకు మధ్యలో చిన్న కన్నం చేసి, కొద్దిపాటి జీడిపప్పు, బాదం పప్పు మిశ్రమాన్ని వుంచి, మళ్లీ ఉండను యధాప్రకారం సరిచేయాలి. ఉండలకు పగుళ్లు లేకుండా చేసుకోవాలి.
Step 5
ప్రెషర్ కుక్కర్‌లో రెండు కప్పుల నీళ్లు, 3/4 కప్పు పంచదార వేసి, సన్నటి సెగపై మరిగించాలి.
Step 6
బాగా మరిగిన తరువాత ఈ ఉండలను నెమ్మదిగా జారవిడిచి, కుక్కర్ మూత పెట్టి, వెయిట్ వుంచాలి.
Step 7
పది నిమషాలు వుంచి, వెంటనే స్టవ్ ఆర్పి, చల్లటి నీళ్లు జల్లి కుక్కర్‌ను వేగం చల్లారనివ్వాలి.
Step 8
అవసరమైతే నీళ్ల టాప్ కింద వుంచొచ్చు. కుక్కర్ మూత తీయకుండా ఓ అరగంట వదిలేసి, ఆపైన తీసి, కాస్త రోజ్ వాటర్ కలిపి, ఆపై ఫ్రిజ్‌లో వుంచాలి. బాగా చల్లగా తయారయ్యాక సర్వ్ చేయాలి.