Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వెత్తలై ఎళ్లు సాదం (తమలపాకు నువ్వుల అన్నం) ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

తమలపాకులు - 100 గ్రా;
మినప్పప్పు - 25 గ్రా.
శనగపప్పు - 25 గ్రా;
చిన్న ఉల్లిపాయలు (సాంబార్‌లో వేసేవి) - 150 గ్రా;
ఎండుమిర్చి - 10 గ్రా;
పచ్చిమిర్చి - 50 గ్రా;
నువ్వులు - 15 గ్రా;
చింతపండు - 50 గ్రా;
కరివేపాకు - 2 రెమ్మలు;
కొత్తిమీర తరుగు - 50 గ్రా;
సోనామసూరి బియ్యం - 500 గ్రా;
ఆవాలు - 10 గ్రా;
నువ్వులనూనె - 100 మి.లీ.
ఉప్పు - రుచికి తగినంత;
కారం - 20 గ్రా.
పొడి కోసం:
జీలకర్ర - 20 గ్రా;
ఇంగువ-చిటికెడు;
మినప్పప్పు-25 గ్రా.
శనగపప్పు - 25 గ్రా;
ఎండుమిర్చి - 10 గ్రా;
కరివేపాకు - రెమ్మ

తయారు చేయు విధానం

Step 1
స్టౌ మీద కడాయి పెట్టి, వేడయ్యాక మినప్పప్పు, శనగపప్పు, ఎండుమిర్చి, కరివేపాకు, జీలకర్ర వేసి వేయించాలి.
Step 2
తర్వాత ఇంగువ కలిపి, పొడి చేయాలి. బియ్యం కడిగి, నీళ్లు పోసి అరగంట సేపు నానబెట్టాలి.
Step 3
తర్వాత అన్నం వండి పక్కన ఉంచాలి. కడాయిలో కొద్దిగా నూనె వేసి, ఆవాలు, మినప్పప్పు, శనగపప్పు, ఎండుమిర్చి, కరివేపాకు వేయించాలి.
Step 4
తర్వాత సాంబార్ ఉల్లిపాయలు వేసి మూడు నిమిషాలు ఉంచాలి.
Step 5
ఉల్లిపాయలు ఉడికిన తర్వాత కారం, చింతపండు గుజ్జు, ఉప్పు, తమలపాకుల తరుగు వేసి పది నిమిషాలు ఉడికించాలి.
Step 6
తర్వాత అన్నం, మినప్పప్పు పొడి వేసి కలపాలి. చివరగా కొత్తిమీర, వేయించిన నువ్వులు, కరివేపాకుతో గార్నిష్ చేసి, వేడి వేడిగా సర్వ్ చేయాలి.