Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉరద్‌దాల్ పిజ్జా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

మినప్పప్పు - కప్పు
బియ్యం రవ్వ - రెండు కప్పులు
ఇంగువ - రెండు చిటికెలు
పచ్చిమిర్చి - 2; ఉప్పు - తగినంత
వంటనూనె - తగినంత
పచ్చిబఠాణీ - రెండు టీ స్పూన్లు
క్యారట్ తురుము - రెండు టీ స్పూన్లు
క్యాప్సికమ్ తరుగు - పావు కప్పు
ఉల్లికాడల తరుగు - టీ స్పూను
జీలకర్ర - టీ స్పూను
వెన్న - రెండు టీ స్పూన్లు
టొమాటో రసం - టీస్పూను

తయారు చేయు విధానం

Step 1
ముందురోజు రాత్రి మినప్పప్పు, బియ్యపురవ్వలను విడివిడిగా నానబెట్టుకోవాలి.
Step 2
మరుసటి రోజు మినప్పప్పులో నీరు వడకట్టి, గ్రైండర్‌లో వేసి మెత్తగా రుబ్బుకుని పక్కన ఉంచుకోవాలి.
Step 3
బియ్యపురవ్వలో నీటిని పూర్తిగా తీసేసి ఆ రవ్వను మినప్పిండిలో వేసి బాగా కలిపి ఒకరోజంతా నాననివ్వాలి.
Step 4
తరువాతి రోజు ఆ పిండిలో ఉప్పు, టొమాటోరసం, పచ్చిమిర్చి పేస్ట్, ఇంగువ వేసి బాగా కలపాలి.
Step 5
లోతుగా ఉండే వెడల్పైన బాణలిని స్టౌ మీద ఉంచి రెండు టీ స్పూన్ల నూనె వేసి వేడయ్యాక రెండు గరిటెల పిండిని అందులో వేసి సమానంగా పరచాలి.
Step 6
దానిపైన క్యాప్సికమ్ తరుగు, క్యారట్ తురుము, ఉల్లికాడలు, పచ్చి బఠాణీలు, కొద్దిగా జీలకర్ర వేయాలి.
Step 7
పైన మూత ఉంచి ఆవిరి మీద (సన్న మంట మీద) ఉడకనివ్వాలి. గరిటెను అందులో గుచ్చి చూస్తే దానికి పిండి అంటుకోకపోతే ఉడికినట్లే.
Step 8
ఇది కొద్దిగా చల్లారిన తర్వాత తినేముందు వెన్న వేసి సర్వ్ చేసుకోవాలి. ఇది ఇటాలియన్ పిజ్జాకు ఏ మాత్రం తీసిపోదు సరికదా, ఎంతో ఆరోగ్యం.