Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పల్లీచాట్ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-4

కావాల్సిన పదార్ధాలు

పల్లీలు - కప్పు;
అటుకులు - రెండు కప్పులు;
స్వీట్ కార్న్ - కప్పు;
పుట్నాలపప్పు - అరకప్పు;
ఉల్లితరుగు - అరకప్పు
సన్నగా తరిగిన టొమాటోలు - పావు కప్పు;
నిమ్మరసం - రెండు టీ స్పూన్లు;
ఉప్పు - తగినంత;
పచ్చిమిర్చి - 2;
ఇంగువ -కొద్దిగా;
పసుపు - కొద్దిగా;
మిరప్పొడి - కొద్దిగా;
నూనె - తగినంత;
కరివేపాకు - రెండు రెమ్మలు;
కొత్తిమీర తరుగు - టీ స్పూను

తయారు చేయు విధానం

Step 1
బాణలిలో కొద్దిగా నూనె కాగాక అందులో పల్లీలు వేసి వేయించి పక్కన ఉంచుకోవాలి.
Step 2
తరవాత, అదే బాణలిలో మరి కాస్త నూనె వేసి పుట్నాలపప్పు వేయించి పక్కన పెట్టుకోవాలి.
Step 3
మళ్లీ అదే బాణలిలో మరికాస్త నూనె వేసి అందులో కరివేపాకు, పొడవుగా తరిగిన పచ్చిమిర్చి, ఇంగువ, పసుపు వేసి అందులో అటుకులు కూడా వేసి గుల్లగా వేయించుకోవాలి.
Step 4
మరో పెద్ద పాత్రలో ఉల్లిపాయ ముక్కలు, టొమాటో ముక్కలు, వేయించి ఉంచుకున్న పదార్థాలు కూడా వేసి బాగా కలపాలి.
Step 5
మిరప్పొడి వేసి మరోమారు కలిపిన తర్వాత అందులో నిమ్మరసం, ఉప్పు కూడా వేసి బాగా కలపాలి.
Step 6
చివరగా స్వీట్‌కార్న్ వేసి కొత్తిమీరతో గార్నిష్ చేసి వెంటనే తినేయాలి. లేదంటే మెత్తపడిపోతాయి.