Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలూ పరాట ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-4

కావాల్సిన పదార్ధాలు

ఉడికించిన బంగాళాదుంపలు- 4,
సన్నగా తరిగిన ఉల్లిపాయముక్కలు- 1/2 కప్పు,
సన్నగా తరిగిన పచ్చిమిర్చి-2,
గోధుమ పిండి-1 కప్పు,
కారం-1 టీస్పూన్,
చాట్ మసాలా-1 టీస్పూన్,
ఆంచూర్ పొడి -1/2 టీస్పూన్.
నెయ్యి/నూనె -తగినంత,
కొత్తిమీర -తగినంత,
జీలకర్ర పొడి-1/2 టీస్పూన్
ధనియాల పొడి-1/2 టీ స్పూన్.

తయారు చేయు విధానం

Step 1
ముందుగా ఒక గిన్నెలో గోధుమ పిండి, కొంచెం ఉప్పు, నూనె వేసి మెత్తగా చపాతీ పిండిలా కలుపుకుని పక్కన పెట్టుకోవాలి.
Step 2
తరువాత స్టవ్ మీద కడాయి పెట్టుకుని నూనె వేసి ఉల్లిపాయ ముక్కలు పచ్చిమిర్చి ముక్కలు వేసి 3 నిమిషాలు మగ్గనిచ్చి, దానిలో జీలకర్ర పొడి, ధనియాల పొడి, చాట్ మసాలా, ఆంచూర్ పొడి వేసి 1 నిమిషం వేయించి బంగాళాదుంపలను చిదుముకుని వేసి ,ఉప్పు, కారం వేసి అన్ని కలిసేట్టు కలుపుకోవాలి .
Step 3
ఈ మిశ్రమాన్నీ మెత్తగా గుజ్జులా మెదుపుకోని చల్లారనివ్వాలి. తరువాత గోధుమ పిండి ముద్దని తీసుకుని చివరలు పలుచగా మధ్యలో మందంగా ఉండేట్టు గుండ్రంగా వత్తుకోవాలి .
Step 4
ఇలా వత్తుకున్న చపాతీ మధ్యలో బంగాళాదుంప మిశ్రమాన్నీ ఉంచి మూసివెయ్యాలి.
Step 5
తరువాత చపాతీ కర్రతో వత్తుతు లోపల పెట్టిన మిశ్రమం బయటికి రాకుండా సమంగా ఉండేట్టు నెమ్మదిగా గుండ్రంగా చేసుకోవాలి.
Step 6
పిండి అంటుకోకుండా ఉండాలి అంటే పొడి గోధుమపిండి చల్లుకుంటూ ఉండండి.
Step 7
ఇలా తయారు అయిన పరాటాలని పెనం మీద నెయ్యి వేసి రెండు వేపులా మీడియం మంట మీద కాల్చుకొని తీసుకోవాలి. అంతే వేడి వేడి ఆలూ పరాట సిద్ధం .