Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బ్రెడ్ మంచురియా ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

బ్రెడ్ స్లైసెస్ - ఏడు
ఉల్లిపాయ - ఒకటి
క్యారెట్ - ఒకటి
వెల్లుల్లి రెబ్బలు - పన్నెండు
అల్లం - చిన్న ముక్క
పన్నీర్ తురుము - అర కప్పు
కొత్తిమీర తరుగు - కొద్దిగా
మైదా - కప్పు
బియ్యప్పిండి - అరకప్పు
సోయాసాస్ - చెంచ
వెనిగర్ - రెండు చెంచాలు
మిరియాల పొడి - అర చెంచ
ఉప్పు - తగినంత
పచ్చిమిర్చి - రెండు
నూనె - వేయించడానికి సరిపడా
టొమాటో సాస్ - నాలుగు చెంచాలు
అల్లం వెల్లుల్లి పేస్ట్ - అర చెంచ

తయారు చేయు విధానం

Step 1
ముందుగా బ్రెడ్ స్లైసుల అంచుల్ని కత్తిరించి ఓ గిన్నెలోకి తీసుకోవాలి.
Step 2
కొద్దిగా నీళ్ళు చల్లి ముద్దలా కలుపుకోవాలి.
Step 3
అందులో ఉల్లిపాయ ముక్కలు, క్యారెట్ ముక్కలు, పచ్చిమిర్చి ముక్కలు, అల్లం, వెల్లుల్లి తరుగు, పన్నీర్ తరుగు, కొత్తిమీర తరుగు, మైదా, బియ్యప్పిండి, సరిపడా ఉప్పు వేసి నీళ్ళు చల్లుతూ గట్టి పిండిలా కలుపుకోవాలి.
Step 4
ఇప్పుడు బాణలిలో నూనె వేడి చేసి ఈ పిండిని చిన్న చిన్న ఉండలుగా చేసుకొని అందులో వేయాలి.
Step 5
ఎర్రగా వేగాక తీసేయాలి.
పొయ్యి మీద మరో బాణలి పెట్టి రెండు చెంచాల నూనె వేసి, కాగాక ముందుగా వేయించి పెట్టుకున్న మంచురియా ఉండలు, సోయాసాస్, వెనిగర్, టొమాటో సాస్, అల్లం వెల్లుల్లి పేస్ట్, మరికొంచెం ఉప్పు, మిరియాల పొడి వేసి బాగా కలపాలి.
Step 6
రెండు లేక మూడు నిమిషాలయ్యాక పళ్ళెంలోకి తీసుకోవాలి. ఈ మంచురియాను వేడివేడిగా టొమాటో సాస్ తో కలిపి తింటే చాలా రుచిగా ఉంటుంది.