Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే దాల్ మఖని ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-6

కావాల్సిన పదార్ధాలు

కందిపప్పు - ఒకటిన్నర కప్పు
ఎరుపు రాజ్మా గింజలు - నాలుగు టేబుల్ స్పూన్లు
పచ్చిమిర్చి - నాలుగు (సన్నగా తరిగినవి )
అల్లం తరుగు - ఒక టీస్పూన్
వెల్లుల్లి పేస్ట్ - ఒక టీస్పూన్
జీలకర్ర - ఒకటిన్నర టీస్పూన్
పెద్ద ఉల్లిపాయ - ఒకటి (సన్నగా తరిగాలి)
టొమాటోలు - మూడు (సన్నగా తరిగాలి)
పెరుగు - అరకప్పు
తాజా మీగడ - అర కప్పు
కారం - అర టీస్పూన్
పసుపు - కొద్దిగా
ధనియాల పొడి - ఒక టీస్పూన్
గరం మసాలా పొడి - ఒక టీస్పూన్
ఆమ్‌చూర్ పొడి - అర టీస్పూన్
బటర్ - రెండు టేబుల్ స్పూన్‌లు
కొత్తిమీర - కొద్దిగా (సన్నగా తరిగాలి)
ఉప్పు - రుచికి సరిపడా.

తయారు చేయు విధానం

Step 1
రాజ్మా గింజల్ని రాత్రంతా నీళ్లలో నానపెట్టాలి.
Step 2
రాజ్మా, కందిపప్పుల్ని కలిపి కొద్దిగా ఉప్పు, పసుపు వేసి కుక్కర్‌లో ఆరు విజిల్స్ వచ్చే వరకు ఉడికించాలి.
Step 3
ఉడికించిన పప్పును మెత్తగా మెదిపి మళ్లీ పావుగంట సేపు ఉడికించి అందులో పెరుగు కలపాలి.
Step 4
లోతైన గిన్నెలో బటర్ వేసి, కాగాక జీలకర్ర వేయాలి. అది వేగాక అల్లం, వెల్లుల్లి వేసి కొన్ని సెకన్ల తరువాత ఉల్లిపాయ, పచ్చిమిర్చి ముక్కలు వేసి అవి మెత్తబడే వరకు వేగించాలి.
Step 5
తరువాత టొమాటో ముక్కలు వేసి కలిపి ఉప్పు, మసాలా దినుసులు వేయాలి.
Step 6
ఇందులో ఉడికించిన పప్పుల్ని వేసి మంట మరీ ఎక్కువ, తక్కువ కాకుండా కొద్దిసేపు ఉడికించాలి.
Step 7
తరువాత స్టవ్ ఆపేసి పైన కొత్తిమీర తరుగుని వేసి ఆపైన మీగడ వేయాలి. దీన్ని వేడివేడి లచ్చా పరాటా, నాన్ లేదా అన్నంతో తింటే బాగుంటుంది.