Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కోకోనట్ పులావ్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1-4

కావాల్సిన పదార్ధాలు

బాస్మతి రైస్ - రెండు కప్పులు
పచ్చి బటాణి - ఒక కప్పు
బిర్యాని ఆకులు - మూడు
పచ్చిమిర్చి - నాలుగు
ఏలకులు - 3
ఎల్లిపాయలు - 8
అల్లం - చిన్న ముక్క
జీడిపప్పు - ఐదు పలుకులు
ఉల్లిగడ్డ - ఒకటి పుదీనా,
కొత్తిమీర తరుగు - రెండు చెంచాలు
లవంగాలు - 4
దాల్చిన చెక్క - చిన్న ముక్క
నూనె - సరిపడా
ఉప్పు - తగినంత

తయారు చేయు విధానం

Step 1
ముందుగా బాస్మతి బియ్యాన్ని శుభ్రముగా కడిగి వార్చి ఉంచుకోవాలి.
Step 2
కొబ్బరి తురుము మిక్సీలో వేసి దాని నుండి పాలు తీసుకోవాలి. అల్లం, వెల్లుల్లి మిక్సీలో వేసి పేస్ట్ లా చేసుకోవాలి.
Step 3
ఉల్లిపాయ, పచ్చిమిర్చి తరిగి పెట్టుకోవాలి. తర్వాత కప్పు బియ్యానికి రెండు కప్పుల చొప్పున పాలు పోసి పక్కన పెట్టుకోవాలి.
Step 4
కుక్కర్ లో నూనె వేసి కాగాక ఉల్లిపాయలు, పచ్చిమిర్చి వేసి వేగాక అల్లం వెల్లుల్లి పేస్ట్, మసాలా దినుసులన్నీ వేసి వేయించాలి.
Step 5
కొద్దిసేపటి తర్వాత పచ్చి బటాణి వేసి వేయించి అందులో బియ్యం, పాలు పోసి కొత్తిమీర, పూదీన తరుగు వేయాలి. బాగా కలిపి మూత పెట్టి సన్నని సెగఫై ఒకటి లేదా రెండు విజిల్స్ వచ్చేవరకు ఉడకనివ్వాలి.
Step 6
ఇది ఉల్లిపాయ, పెరుగు పచ్చడితో తింటే చాలా రుచిగా ఉంటుంది.