Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలూ బోండాలు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-5

కావాల్సిన పదార్ధాలు

బంగాళాదుంపలు - అర కిలో
నూనె - వేయించడానికి సరిపడా
సెనగ పిండి - అరకిలో
బియ్యప్పిండి - కప్పు
కొత్తిమీర - కొద్దిగా
పూదీన తురుము - కొద్దిగా
కరివేపాకు తురుము - కొద్దిగా
అల్లం వెల్లుల్లి - 2 టీస్పూన్లు
ఉప్పు - రుచికి సరిపడా
జీలకర్ర - అర టీస్పూన్
పచ్చిమిర్చి - 2 టీస్పూన్లు
ఆవాలు - ఒక టీస్పూన్
కేసరి ఫుడ్ కలర్ - పావుటీస్పూన్
వంట సోడా - పావుటీస్పూన్
నిమ్మరసం - అర టీస్పూన్

తయారు చేయు విధానం

Step 1
బంగాళాదుంపలు ఉడికించి ఆరనివ్వాలి. తరువాత తోకకు తీసి బాగా చిదమాలి.
Step 2
బాణలిలో కొద్దిగా నూనె వేసి కాగాక ఆవాలు, జీలకర్ర, కరివేపాకు తురుము వేసి దోరగా వేగనివ్వాలి.
Step 3
అందులో పసుపు, అల్లం, పచ్చిమిర్చి గుజ్జు వేసి సువాసన వచ్చే వరకు వేగనివ్వాలి.
Step 4
ఇప్పుడు చిదిమిన బంగాళాదుంపలు వేసి ఉప్పు చల్లి కలుపుతూ పొడిపొడిగా వేగనివ్వాలి.
Step 5
అనంతరం కొత్తిమీర, పూదీన వేసి బాణలిను కిందకు దించి నిమ్మరసం కలపాలి.
Step 6
ఒక లోతైన గిన్నెలో సెనగపిండి, బియ్యప్పిండి, కేసరి రంగు, వంట సోడా, తగినంత ఉప్పు వేసి నీరు పోసి, గట్టి పెరుగులా పిండిని కలిపి ఉంచాలి.
Step 7
ఆలుగడ్డల మిశ్రమాన్ని లడ్డులంత సైజ్ లో ముద్దలుగా చుట్టి పక్కన పెట్టుకోవాలి.
Step 8
బాణలిలో నూనె వేసి కాగిన తర్వాత ముద్దలుగా చేసిన ఆలుగడ్డల మిశ్రమాన్ని పిండిలో ముంచి నూనె లో వేసి ఎర్రగా ఫ్రై చేసుకోవాలి.
Step 9
అంతే ఆలూ బోండాలు రెడీ. ఇవి పచ్చిమిర్చి పచ్చడి, టమాటో సాస్ తో వేడివేడిగా తింటే చాలా రుచిగా ఉంటాయి.