Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆలూ చీజ్‌ ఇన్‌ లాసూని మసాలా ఎలా తయారుచేయాలో ఇక్కడ తెలుసుకోండి

Prep Time

20 Minutes
Cooking Time

15 Minutes
Servings

1-4

కావాల్సిన పదార్ధాలు

బంగాళాదుంపలు-2
క్రీమ్‌-2 టేబుల్‌స్పూన్లు
మొజారెల్లా చీజ్‌-3 టేబుల్‌స్పూన్లు
ఎండుమిర్చి-4
వెల్లుల్లిరెబ్బలు-4
మసాలాకోసం
వెల్లుల్లిరెబ్బలు-4
టొమాటోలు-6
పలావు ఆకు-1
గరంమసాలా- టీస్పూను
ఉప్పు- తగినంత
కారం-2 టీస్పూన్లు
గరంమసాలా- టీస్పూను
కస్తూరి మెంతి- టీస్పూను
నూనె-2 టేబుల్‌స్పూన్లు

తయారు చేయు విధానం

Step 1
ముందుగా బంగాళాదుంపలు ఉడికించి పొట్టు తీసి సగానికి కోయాలి. తర్వాత వాటి మధ్యలో స్పూన్‌తో కప్పులాగా రంధ్రం చేయాలి.
Step 2
తీసేసిన బంగాళాదుంప మిశ్రమాన్ని విడిగా ఓ గిన్నెలో వేసి అందులో క్రీమ్‌, ఉప్పు, ఎండుమిర్చి ముక్కలు, చిన్నముక్కలుగా కోసిన వెల్లుల్లి రెబ్బలు వేసి కలపాలి.
Step 3
ఆ మిశ్రమాన్ని కప్పుల్లా చేసిన బంగాళాదుంపల్లో నింపాలి. తర్వాత వాటిపై చీజ్‌తురుము చల్లి అది కరిగేవరకూ కుక్కర్‌లో పెట్టి విజిల్‌ పెట్టకుండా ఉడికించాలి.
మసాలా కూరకోసం
Step 4
టొమాటోలను ఉడికించి పై పొరను తీసేసి చల్లారాక మిక్సీలో వేసి పేస్ట్‌ చేయాలి.
Step 5
బాణలిలో నూనె వేడిచేసి సన్నగా తరిగిన వెల్లుల్లి రెబ్బలు, గరం మసాలా, పలావు ఆకులు వేసి వేయించాలి.
Step 6
అందులోనే టొమాటో ముద్ద, కారం వేసి నూనె బయటకు వచ్చేవరకూ ఉడికించాలి.
Step 7
ఇప్పుడు గ్రేవీ కోసం కొద్దిగా నీళ్లు పోసి కలిపాక, స్టఫ్‌ చేసి బేక్‌ చేసిన బంగాళాదుంపలను గ్రేవీలో నెమ్మదిగా పెట్టి, వాటిమీద కసూరిమెంతి, గరంమసాలా చల్లి ఓ నిమిషం ఉడికించి తీయాలి. ఇది రోటీల్లోకి అన్నంలోకి కూడా బాగుంటుంది.