Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గ్రీన్‌ మసాలా ఫిష్‌ ఫ్రై ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-4

కావాల్సిన పదార్ధాలు

పచ్చి చేప ముక్కలు,
గ్రీన్‌ మసాలా పేస్ట్‌ కోసం:
పుదీనా - అర కట్ట,
కొత్తిమీర - అరకట్ట,
కరివేపాకు - రెండు రెమ్మలు,
పచ్చిమిర్చి -మూడు,
మసాలా కోసం:
పసుపు - అర టీ స్పూను,
గరం మసాలా - టీ స్పూన్‌,
ధనియాలపొడి - టీ స్పూన్‌,
జీలకర్ర పొడి - అర టీ స్పూను,
అల్లం వెల్లుల్లి పేస్ట్‌ - టీ స్పూన్‌,
కారం - టీ స్పూన్‌,
మిరియాల పొడి - అర టీ స్పూన్‌,
ఉప్పు - రుచికి సరిపడా,
నిమ్మకాయ - ఒకటి,
ఆలివ్‌ ఆయిల్‌ - రెండు టీ స్పూన్లు,
కార్న్‌ఫ్లోర్‌ - టేబుల్‌ స్పూన్‌,
బియ్యప్పిండి - అర టేబుల్‌ స్పూన్‌,
నూనె - వేయించడానికి సరిపడా.

తయారు చేయు విధానం

Step 1
పుదీనా, కొత్తిమీర, కరివేపాకు, పచ్చిమిర్చి శుభ్రంగా కడిగి, సన్నగా తరగాలి. వీటన్నింటినీ మిక్సీ జార్‌లో వేసి, మరీ మెత్తగా కాకుండా గ్రైండ్‌ చేసుకోవాలి.
Step 2
చేప ముక్కల్ని ఉప్పు, పసుపు వేసి శుభ్రంగా కడిగి నీళ్ళన్నీ పిండేయాలి.
Step 3
కడిగిపెట్టిన చేపముక్కల్లో పసుపు, గరం మసాలా, ధనియాల పొడి, జీలకర్ర పొడి, అల్లంవెల్లుల్లి పేస్ట్‌, ఉప్పు, కారం, మిరియాల పొడి, గ్రైండ్‌ చేసి పెట్టిన గ్రీన్‌ మసాలా పేస్ట్‌ వేయాలి.
Step 4
మసాలా పొడులు, గ్రీన్‌ మసాలా పేస్ట్‌ అన్నీ ముక్కలకి బాగా పట్టేలా కలపాలి. రెండు టీ స్పూన్లు ఆలివ్‌ ఆయిల్‌ వేసి కలపాలి.
Step 5
నిమ్మకాయ రసం కూడా ముక్కలకి పట్టించాలి. చివరిగా కార్న్‌ఫ్లోర్‌, బియ్యప్పిండి వేసి కలపాలి.
Step 6
మసాలాలన్నీ కలిపిన చేప ముక్కల్ని పావుగంట నానబెడితే మసాలా అంతా ముక్కలకి బాగా పడుతుంది.
Step 7
మారినేట్‌ చేసిన చేపముక్కల్ని బాగా కాగిన నూనెలో మీడియం మంట మీద డీప్‌ఫ్రై చేయాలి.
Step 8
ఉల్లిపాయ, పుదీనా, కొత్తిమీరతో అలంకరించుకుంటే గ్రీన్‌ మసాలా ఫిష్‌ ఫ్రై రెడీ.!