Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నేతి అరిసెలు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

15 Minutes
Servings

1-15

కావాల్సిన పదార్ధాలు

బియ్యం: 1కేజీ,
బెల్లం తురుము: అర కేజీ,
నువ్వులు: 100 గ్రాములు,
నీరు: ఒక కప్పు(తగినంత)
యాలకులు: రెండు లేదా నాలుగు (మెత్తగా పొడిచేసుకోవాలి)
నెయ్యి: 1/2కప్పు,
నూనె: వేయించడానికి సరిపడా

తయారు చేయు విధానం

Step 1
ముందుగా బియ్యాన్ని శుభ్రంగా కడిగి 24 గంటలు నానబెట్టుకోవాలి. ఉదయం చిల్లులగిన్నెల్లో వడవేసి పిండి పట్టించుకోవాలి.
Step 2
పిండి తడి ఆరిపోకుండా మూత పెట్టి ఉంచుకోవాలి.
Step 3
తర్వాత స్టౌ మీద మందపాటి గిన్నె పెద్దది పెట్టుకుని అందులో చిదిమిన బెల్లాన్ని వేసి కొద్దిగా నీరు పోసి పాకం పట్టుకోవాలి (అరిసెలు గట్టిగా కావాలంటే ముదురుపాకం, మెత్తగా కావాలంటే లేతపాకం).
Step 4
పాకం రాగానే నువ్వులు, నెయ్యి, యాలకుల పొడి వేసి కలుపుకోవాలి. తర్వాత బియ్యంపిండి ఒకరు వేస్తుంటే మరొకరు ఉండ చుట్టకుండా కలపాలి.
Step 5
ఉండలు చేసుకోవడానికి వీలుగా ఉండేంత వరకూ పిండి వేసి కలపాలి. 4. ఇలా పిండి పాకంతో తయారు చేసుకొన్న తర్వాత స్టౌ ఫ్రైయింగ్‌ పాన్‌ పెట్టుకోవాలి.
Step 6
అందులో నూనె వేసి కాగనివ్వాలి. ఈలోపు పిండిని చిన్న చిన్న ఉండలు చేసుకొని ప్లాస్టిక్‌ కవర్‌ మీద అరిసెలు వత్తుకొని, కాగిన నూనెలో వేసి వేయించుకోవాలి.
Step 7
బంగారు వన్నె రాగానే వాటిని తీసి అరిసెల పీటపై (గరిటెలు కూడా ఉంటాయి) ఉంచి వత్తుకోవాలి. దీనివల్ల అరిసెల్లో అదనంగా ఉన్న నూనె పోతుంది.
Step 8
వీటిని ఆరబెట్టుకోవాలి. ఆరిన తర్వాత భద్రపరచుకోవచ్చు. ఇవి ఒక నెల రోజుల పాటు నిల్వ ఉంటాయి.