Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే లాంబ్‌ విండాలూ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-5

కావాల్సిన పదార్ధాలు

మాంసం-600 గ్రాములు
బంగాళాదుంపలు(చిన్నవి)-5
వెల్లుల్లి తరుగు-1/4 కప్పు
టమాట ముక్కలు-1 కప్పు
వెనిగర్‌/నిమ్మరసం-1/4 కప్పు
ఉప్పు-రుచికి తగినంత
చక్కెర-2 టేబుల్‌ స్పూన్లు
ఎండుమిర్చి-1/2 కప్పు
చింతపండు గుజ్జు-1టేబుల్‌ స్పూన్‌
ఉల్లిపాయల తరుగు-1 కప్పు
వెన్న - 1/2 కప్పు
నూనె-2 టేబుల్‌ స్పూన్లు
జీలకర్ర-1 టీ స్పూన్‌

తయారు చేయు విధానం

Step 1
కూర తయారు చేయడానికి నాలుగు గంటల ముందు ఎండుమిర్చీ, ముప్పావు వంతు వెల్లుల్లి ముక్కలూ, జీలకర్ర, చింతపండును వెనిగర్‌లో వేసి నాననివ్వాలి.
Step 2
తర్వాత రెండు చెంచాల నూనెవేసి అన్నింటినీ మెత్తని పేస్ట్‌లా చేసుకోవాలి. మాంసం ముక్కల్ని కుక్కర్‌లో మెత్తగా ఉడికించుకోవాలి.
Step 3
బంగాళాదుంపల్ని కూడా పెచ్చు తీసి విడిగా ఉడికించుకుని పెట్టుకోవాలి.
Step 4
వెడల్పాటి గిన్నె తీసుకుని అందులో నూనె వేడిచేసి మిగిలిన జీలకర్ర, వెల్లుల్లి తరుగు, ఉల్లిపాయ ముక్కలూ వేసి వేయించుకోవాలి.
Step 5
ఉల్లిపాయ ముక్కలు వేగాక టొమాటో ముక్కలు వేసి వేయించుకోవాలి. తర్వాత ఎండుమిర్చి మసాలాను వేసి కాస్త తక్కువ మంటపై ఉడకనివ్వాలి.
Step 6
పచ్చి వాసన పోయి నూనె పైకి తేలుతున్నప్పుడు ఉడికించి పెట్టుకున్న మాంసం, బంగాళాదుంప ముక్కల్ని కూడా వేసి రెండు నిమిషాలు ఉడకనివ్వాలి.
Step 7
తర్వాత వెన్న, చక్కెర, తగినంత ఉప్పుని వేసి కలిపి స్టౌ పైనుంచి దింపేయాలి.