Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఖుబాని కా మీఠా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

40 Minutes
Servings

1-3

కావాల్సిన పదార్ధాలు

అప్రికాట్లు(ఎండు ఖుబాని పండ్లు): 20,
పండ్లను నానబెట్టిన నీళ్లు: ఎన్ని ఉంటే అన్ని,
పంచదార: రుచికి సరిపడా,
బాదంపప్పు: 2 టేబుల్‌స్పూన్లు,
జీడిపప్పు: 2 టేబుల్‌స్పూన్లు,
రాస్బెరీక్రీమ్‌: టేబుల్‌స్పూను(ఇష్టమైతేనే),
మీగడ(మలై): టేబుల్‌స్పూను

తయారు చేయు విధానం

Step 1
ఎండు ఖుబాని పండ్లను రాత్రంతా నానబెట్టాలి. లేదంటే గోరువెచ్చని నీళ్లలో ఐదు గంటలు నానబెట్టినా సరిపోతుంది.
Step 2
ఉదయానికి ఉబ్బి మృదువుగా అవుతాయి. వీటిని నీళ్లలోంచి తీసి లోపలి గింజలు తీసేయాలి(ఈ గింజల్ని పగులగొడితే బాదంపప్పు లాంటిదే ఉంటుంది. దీన్ని తీసి పక్కన ఉంచాలి). నానబెట్టిన నీళ్లను పారబోయకుండా పక్కన ఉంచాలి.
Step 3
బాణలిలో పండ్లు నానబెట్టిన నీళ్లు పోసి, గింజలు తీసేసిన పండ్లను వేసి సిమ్‌లో ఉడికించాలి.
Step 4
అవి మృదువుగా అయి రంగు మారుతుంటాయి. తరవాత పంచదార వేసి, అవసరమైతే మరికాసిని పండ్లను నానబెట్టిన నీళ్లు పోసి కలుపుతూ అవి మృదువుగా అయ్యే వరకూ ఉడికించాలి.
Step 5
పండ్లను గరిటెతో మెత్తగా మెదపాలి. తరవాత రాస్బెరీ క్రీమ్‌తోబాటు మీగడ(మలై) కూడా వేసి కలపాలి.
Step 6
చివరగా ఖుబానీ గింజల నుంచి తీసిన పప్పుల్నీ బాదంపప్పుల్నీ జీడిపప్పుల్నీ సన్నని ముక్కలుగా కోసి వేసి కలపాలి.
Step 7
తియ్యతియ్యని ఖుబానీ కా మీఠా రెడీ. దీన్ని విడిగా తిన్నా ఐస్‌క్రీమ్‌తో కలిపి తిన్నా బాగుంటుంది.