Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అటుకులతో.. వూతప్పం ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-3

కావాల్సిన పదార్ధాలు

అటుకులు - అరగ్లాసు,
మినప్పప్పు - అరగ్లాసు,
బియ్యం - గ్లాసు,
ఉల్లిపాయలు - నాలుగు,
క్యాప్సికం, స్వీట్‌కార్న్‌ - ఒక్కోటి చొప్పున,
ఉప్పు - సరిపడా,
నూనె - అరకప్పు,
జీలకర్ర - పావుచెంచా,
కారం - చెంచా.

తయారు చేయు విధానం

Step 1
అటుకులూ, బియ్యం, మినప్పప్పును మూడుగంటల ముందు నానబెట్టుకోవాలి.
Step 2
తరవాత మెత్తగా రుబ్బుకుని తగినంత ఉప్పు వేసుకుని కలిపి పెట్టుకోవాలి.
Step 3
ఈ పిండిని ఎనిమిది గంటలసేపు నానబెట్టి తరవాత వూతప్పంలా వేసుకోవచ్చు.
Step 4
నాన్‌స్టిక్‌ పాన్‌మీద ఈ పిండిని మందంగా పరచుకుని దానిమీద కాసిని సన్నగా తరిగిన క్యాప్సికం ముక్కలూ, స్వీట్‌కార్న్‌ గింజలు కొద్దిగా చల్లి, నూనె వేసి మూత పెట్టేయాలి.
Step 5
ఈలోగా మిగిలిన ఉల్లిపాయ ముక్కలూ, జీలకర్రా, కొద్దిగా ఉప్పూ, కారం మిక్సీ జార్‌లో తీసుకుని మెత్తగా రుబ్బుకోవాలి.
Step 6
సగం ఉడికిన వూతప్పంపై ఈ కారాన్ని కొద్దిగా రాసి.. మళ్లీ మూత పెట్టేయాలి.
Step 7
ఇది పూర్తిగా ఉడికాక తీసుకుంటే చాలు. మిగిలిన పిండిని కూడా ఇలాగే వూతప్పంలా వేసుకుని.. పైన కారం చల్లితే చాలు.