Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మామిడి బొబ్బట్లు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

25 Minutes
Servings

1-5

కావాల్సిన పదార్ధాలు

మామిడికాయ తురుము - అరకప్పు;
క్యారెట్‌ తురుము - కప్పు;
బీట్‌రూట్‌ తురుము - పావుకప్పు;
పచ్చికోవా - కప్పు;
మైదా - మూడు కప్పులు;
నెయ్యి - కప్పు;
పంచదార - రెండు కప్పులు;
యాలకుల పొడి - టేబుల్‌ స్పూను;
ఉప్పు - చిటికెడు;
నూనె - తగినంత.

తయారు చేయు విధానం

Step 1
మైదా పిండిలో ఉప్పు, మూడు చెంచాల పంచదార, పాలు చేర్చి చపాతీ పిండికన్నా కాస్త పల్చగా కలిపి గంటసేపు నానబెట్టాలి.
Step 2
బాణలిలో రెండుచెంచాల నెయ్యి వేడిచేసి బీట్‌రూట్‌, క్యారెట్‌ తురుములను పచ్చివాసన పోయే వరకు వేయించాలి.
Step 3
దాన్లో మామిడి తురుము కూడా చేర్చి మరికాసేపు వేగనివ్వాలి.
Step 4
పదినిమిషాలయ్యాక పంచదార, అరకప్పు నీరుచేర్చి ఉడికించాలి.
Step 5
బాగా ఉడికి దగ్గరపడ్డాక పచ్చికోవా, యాలకుల పొడి చేర్చి స్టౌ కట్టేయాలి.
Step 6
ఇప్పుడు మైదా పిండిని చిన్న ఉండల్లా చేసుకోవాలి.
Step 7
ఒక ఉండను తీసుకుని పాలిథీన్‌ కవరుపై నూనె అద్దుతూ చేత్తో చిన్న పూరీలా వత్తాలి.
Step 8
ఇందులో మామిడికాయ మిశ్రమాన్ని రెండుచెంచాలుంచి.. చుట్టూ మూసి.. మళ్లీ వత్తాలి.
Step 9
పెనంపై రెండుచెంచాల నూనె వేడిచేసి ఒక్కో బొబ్బట్టునూ రెండువైపులా దోరగా కాలిస్తే సరి.