Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మొక్కజొన్న పాఠోళీ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

20 Minutes
Servings

1-2

కావాల్సిన పదార్ధాలు

మొక్కజొన్న గింజలు - కప్పు
ఉల్లిపాయ - 1
పచ్చిమిర్చి - 4,
అల్లం - చిన్నముక్క
బియ్యప్పిండి - స్పూను
ఆవాలు - పావు టీ స్పూను
మినప్పప్పు - పావు టీ స్పూను
శనగపప్పు - పావు టీ స్పూను
ఎండుమిర్చి - 1,
నూనె - తగినంత
కరివేపాకు- ఒక రెమ్మ
కారం, ఉప్పు-తగినంత

తయారు చేయు విధానం

Step 1
మొక్కజొన్న, పచ్చిమిర్చి, అల్లం కలిపి మిక్సీలో గ్రైండ్ చేసి ఒక గిన్నెలోకి తీసుకోవాలి.
Step 2
ఈ మిశ్రమంలో బియ్యప్పిండి వేసి బాగా కలపాలి. దీనిని ఒక పళ్లెంలో సమానంగా పరిచి దానిని కుకర్‌లో పెట్టి మూడు విజిల్స్ వచ్చే వరకు ఉడికించాలి.
Step 3
ఇది పూర్తిగా చల్లారాక చిదిపి పొడిపొడిగా వచ్చేలా చేయాలి.
Step 4
ఒక బాణలిలో 50 గ్రా. నూనె వేసి కాగాక అందులో ఆవాలు, జీలకర్ర, పచ్చిశనగపప్పు, మినప్పప్పు, పచ్చిమిర్చి వేసి వేయించాలి. తరవాత ఎండుమిర్చి, కరివేపాకు, సన్నగా తరిగిన ఉల్లిపాయముక్కలు వేసి ఐదు నిముషాలు వేయించాలి.
Step 5
ఇవన్నీ బాగా వేగిన తరవాత, ఉడికించి చిదిపిన మొక్కజొన్న మిశ్రమం, ఉప్పు, పసుపు, కారం కూడా వేసి రెండు మూడు నిముషాలు బాగా వేయించి దింపేయాలి.
Step 6
దీనిని వేడివేడి అన్నంతో సర్వ్ చేస్తే చాలా రుచిగా ఉంటుంది.