Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాలక్ - పనీర్ దోసె ఎలా తయారుచేయాలో ఇక్కడ తెలుసుకోండి.

Prep Time

6 Hour 10 Minutes
Cooking Time

15 Minutes
Servings

1-3

కావాల్సిన పదార్ధాలు

మినపప్పు - 100గ్రా.,
బియ్యం - 200గ్రా.,
శనగపప్పు - 50గ్రా.
పాలకూర - రెండు కట్టలు,
టొమాటోలు - 100గ్రా.,
పచ్చిమిర్చి - 10,
పనీర్ తురుము - కప్పు,
బంగాళదుంప - మూడు,
పోపుసామాను - టీస్పూను,
ఉప్పు - తగినంత,
నూనె - తగినంత

తయారు చేయు విధానం

Step 1
పై మూడింటిని శుభ్రంగా కడిగి కనీసం ఆరు గంటల సేపు నానబెట్టి గ్రైండ్ చేయాలి.
Step 2
ఆ మిశ్రమానికి ఉప్పు కలిపి రాత్రంతా అలాగే ఉంచితే ఉదయానికి పిండి గుల్లగా పొంగుతుంది.
Step 3
ముందుగా బంగాళ దుంపలతో కూర చేసి పక్కన పెట్టుకోవాలి. (బంగాళదుంపలను ఉడికించి పైన తొక్క ఒలిచి మెత్తగా చేసుకోవాలి.
Step 4
బాణలిలో నూనె కాగిన తరవాత అందులో పోపు వేసి ఉడికించిన బంగాళదుంపముద్ద, ఉప్పు, పసుపు వేసి బాగా మెత్తగా చేయాలి) పాలకూరను శుభ్రంగా కడిగి చిన్న ముక్కలుగా తరగాలి.
Step 5
టొమాటోలను కూడా ముక్కలు చేసుకోవాలి. తగినన్ని పచ్చిమిరపకాయలను వేసి ఈ మూడింటినీ కలిపి ఉడికించి గ్రైండ్ చేస్తే, పాలక్ పేస్టు తయారవుతుంది.
Step 6
పెనం మీద దోసె వేసుకుని కొద్దిగా కాలిన తరవాత దానిమీద ఈ పాలక్ పేస్టును పూసి, ఆ పైన సన్నటి పనీర్ తురుమును వేసి కొద్దిగా కాలిన తరవాత తీసేయాలి.