Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే హైదరాబాదీ సమోసా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

25 Minutes
Servings

1-5

కావాల్సిన పదార్ధాలు

గోధుమపిండి - పావుకిలో,
ఉప్పు - చిటికెడు,
ఉల్లితరుగు - కప్పు,
ఉల్లిపరక తరుగు - పావు కప్పు,
పచ్చిమిర్చి - 5, క్యాబేజీ,
క్యారట్ తురుము - పావుకప్పు,
పసుపు - చిటికెడు,
ఉప్పు - తగినంత,
కొత్తిమీర - కొద్దిగా,
నూనె - 2 టీ స్పూన్లు

తయారు చేయు విధానం

Step 1
గోధుమపిండిలో ఉప్పు వేసి, నీటితో చపాతీ పిండిలా కలుపుకోవాలి.
Step 2
ప్యాన్‌లో నూనె వేడిచేసి ఉల్లితరుగు, ఉల్లిపరక, పచ్చిమిర్చి వేసి మెత్తబడేవరకు వేయించాలి.
Step 3
తరవాత తరిగిన క్యాబేజీ, క్యారట్, తగినంత ఉప్పు, పసుపు వేసి బాగా కలియబెట్టి మూతపెట్టాలి.
Step 4
ఐదు నిమిషాల తరవాత తడి పోయాక కొత్తిమీర వేసి దింపేయాలి. పిండి బాగా మెత్తగా అయ్యాక చిన్న ఉండలుగా చేసుకుని పలుచగా చపాతీ సైజులో ఒత్తుకోవాలి. *పెనం వేడి చేసి ఈ చపాతీని రెండువైపులా కొద్దిగా వెచ్చబెట్టి తీసి పక్కన పెట్టుకోవాలి.
Step 5
చల్లారిన తరవాత చపాతీలను రెండు అంగుళాల వెడల్పులో నిలువుగా రిబ్బనులా కట్ చేసుకోవాలి.
Step 6
ఒక కొనవైపు కొద్దిగా ఉల్లిపాయ మిశ్రమాన్ని పెట్టి త్రికోణంలా మడుస్తూ పోవాలి.
Step 7
మొత్తం సమోసాని త్రికోణంలా మడిచాక అంచులు తడిచేసి విడిపోకుండా ఒత్తి మూసేయాలి.
Step 8
వేడినూనెలో వేసి కరకరలాడేలా వేయించాలి.