Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే డ్రైఫ్రూట్ సమోసా ఎలా తయారుచేయాలో ఇక్కడ తెలుసుకోండి

Prep Time

20 Minutes
Cooking Time

25 Minutes
Servings

1-7

కావాల్సిన పదార్ధాలు

మైదా - పావుకిలో,
డాల్డా లేదా నెయ్యి - 50 గ్రా.,
ఉప్పు - చిటికెడు,
కాజు, బాదం, కిస్‌మిస్, పిస్తా - అరకప్పు (అన్నీ కలిపి),
కోవా - అరకప్పు,
ఏలకుల పొడి - అర టీ స్పూన్,
లెమన్ ఎల్లో కలర్ - మూడు చుక్కలు,
చక్కెర - అరకేజీ, నూనె - వేయించడానికి తగినంత

తయారు చేయు విధానం

Step 1
జల్లించిన మైదాలో ఉప్పు, కరిగించిన డాల్డా, వాము వేసి బాగా కలపాలి.
Step 2
తరవాత అందులో నీరు పోసి చపాతీ పిండిలా కలుపుకుని పక్కన ఉంచాలి. కోవానుపొడిగా చేయాలి.
Step 3
సన్నగా కట్ చేసుకున్న డ్పైఫ్రూట్స్, సగం ఏలకుల పొడి, కలర్ వేసి కలిపి పెట్టుకోవాలి.
Step 4
చక్కెరలో పావు కప్పు నీళ్లు పోసి ముదురుపాకం చేసుకుని అందులో మిగిలిన ఏలకుల పొడి కలపాలి.
Step 5
పిండిని చిన్నచిన్న ఉండలుగా చేసి పూరీల్లా ఒత్తుకోవాలి. చాకుతో రెండు భాగాలుగా కట్ చేయాలి.
Step 6
ఒక భాగం తీసుకుని అంచులు తడిచేసి కోన్‌లా మడిచి చెంచాడు డ్రైఫ్రూట్స్ మిశ్రమాన్ని పెట్టి అంచులు విడిపోకుండా ఒత్తి సమోసాలా మడిచి వేడి నూనెలో బంగారురంగు వచ్చేవరకు వేయించాలి.
Step 7
తరవాత వీటిని పంచదార పాకంలో వేసి అరగంట ఉంచి తీసి సర్వ్ చేయాలి.