Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నూడుల్స్ సమోసా ఎలా తయారుచేయాలో ఇక్కడ తెలుసుకోండి

Prep Time

25 Minutes
Cooking Time

20 Minutes
Servings

1-6

కావాల్సిన పదార్ధాలు

మైదా - 250 గ్రా,
డాల్డా లేదా నెయ్యి - 50 గ్రా.,
ఉప్పు - చిటికెడు,
ఉడికించిన నూడుల్స్ - కప్పు,
ఉల్లి తరుగు లేదా ఉల్లిపరక తరుగు - పావు కప్పు,
క్యారట్, బీన్స్ ముక్కలు - పావు కప్పు,
క్యాబేజీ తరుగు - పావు కప్పు,
ఉప్పు - తగినంత,
మిరియాలపొడి - పావు టీ స్పూను,
అజినమోటో - చిటికెడు,
నూనె - తగినంత.

తయారు చేయు విధానం

Step 1
జల్లించిన మైదాలో కరిగించిన డాల్డా వేసి బాగా కలపాలి.
Step 2
తరవాత కొద్దికొద్దిగా నీళ్లు పోస్తూ చపాతీలా కలిపి మూత పెట్టాలి. వెడల్పాటి ప్యాన్‌లో రెండు టీ స్పూన్ల నూనె వేడి చేసి ఉల్లి తరుగు వేసి మెత్తబడేవరకు వేయించాలి.
Step 3
తరవాత కూరగాయ ముక్కలు వేసి వేగాక అజినమోటో వేసి కలిపి, ఉడికించిన నూడుల్స్,తగినంత ఉప్పు, మిరియాల పొడి వేసి బాగా కలిపి నీటి త డి పోయేవరకు వేయించి దింపేయాలి.
Step 4
కలిపి పెట్టుకున్న పిండిలో కొద్దిగా నూనె వేసి మరోమారు కలిపి చిన్నచిన్న ఉండలు చేసుకోవాలి.
Step 5
ఒక్కో ఉండను పొడిపిండి అద్దుకుంటూ పలుచగా పూరీలా ఒత్తుకోవాలి.
Step 6
దీనిని చాకుతో రెండు భాగాలుగా త్రికోణంగా కట్ చేసి, ఒక్కో ముక్క తీసుకుని అంచులు తడిచేసి కోన్‌లా మడిచి చెంచాడు నూడుల్స్ మిశ్రమాన్ని పెట్టి, అంచులు విడిపోకుండా ఒత్తి మూసేయాలి.
Step 7
వేడినూనెలో ఈ సమోసాలు బంగారు రంగు వచ్చేవరకు వేయించి తీయాలి.