Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మొక్కజొన్న కబాబ్‌ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1-3

కావాల్సిన పదార్ధాలు

లేత మొక్కజొన్నగింజలు... 2 కప్పులు
పచ్చిమిర్చి... 6
ఉల్లిపాయ... ఒకటి
అల్లం... చిన్నముక్క
వడకట్టిన పెరుగు... అరకప్పు
గరంమసాలా... పావు టీ.
చాట్‌మసాలా... పావు టీ.
కొత్తిమీర... 2 కట్టలు
క్యాప్సికమ్... ఒకటి
నిమ్మరసం... నాలుగు టీ.
ఉప్పు... తగినంత

తయారు చేయు విధానం

Step 1
లేత మొక్కజొన్న గింజల్ని ఒలిచి మిక్సీలో కాస్త కచ్చాపచ్చాగా రుబ్బాలి. ఉల్లిపాయలు, పచ్చిమిర్చి, కొత్తిమీర, క్యాప్సికమ్‌, అల్లం... అన్నీ చాలా సన్నగా తరగాలి.
Step 2
ఓ పాత్రలో రుబ్బిన మొక్కజొన్న ముద్ద వేయాలి. అందులోనే ఉప్పు, గరంమసాలా, చాట్‌మసాలా, అల్లంముక్కలు వేసి కలపాలి.
Step 3
తరువాత ఉల్లిపాయలు, క్యాప్సికమ్‌, కొత్తిమీర, పచ్చిమిర్చి, వడకట్టిన పెరుగు వేసి కాస్త గట్టిగా కలుపుకోవాలి.
Step 4
ఇప్పుడు వేలు మందంలో ఉండే ఇనుపచువ్వను తీసుకుని ఈ కబాబ్‌ మిశ్రమాన్ని దాని చుట్టూతా అంటించి నిప్పులు లేదా గ్యాస్‌స్టవ్‌మీద ఎర్రగా కాల్చాలి. వీటిని వేడివేడిగా చట్నీతో వడ్డిస్తే భలే రుచిగా ఉంటాయి.