Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గోంగూర పకోడ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1-4

కావాల్సిన పదార్ధాలు

బంగాళదుంపలు (ఉడికించాలి)- 200 గ్రా.;
గోంగూర - 100 గ్రా.;
ఇంగువ - చిటికెడు
పసుపు - అర టీ స్పూన్;
పచ్చిమిర్చి పేస్ట్ - టీ స్పూన్;
ఉప్పు - తగినంత
ఆవాలు-జీలకర్ర - అర టీస్పూన్;
ఆమ్చూర్ పౌడర్ (మార్కెట్లో లభిస్తుంది) - చిటికెడు
అల్లం, వెల్లుల్లి తరుగు - అర టీ స్పూన్;
ఉల్లిపాయ తరుగు - 30 గ్రా.;
కొత్తిమీర తరుగు - టీ స్పూన్
గరం మసాలా - టీ స్పూన్;
మైదా - 100 గ్రా.;
నెయ్యి - 10 గ్రా.
కొబ్బరి పొడి - టీ స్పూన్;
సోంపు - పావు టీ స్పూన్

తయారు చేయు విధానం

Step 1
పెనం మీద నెయ్యి వేసి వేడయ్యాక ఆవాలు-జీలకర్ర, సోంపు, అల్లం వెల్లుల్లి, ఇంగువ వేసి కలపాలి.
Step 2
గోంగూర వేసి ఉడికాక, చిదిపిన బంగాళదుంప మిశ్రమం, పసుపు, పచ్చిమిర్చి పేస్ట్, ఉప్పు, ఆమ్చూర్ పౌడర్, ఉల్లిపాయ, కొత్తిమీర తరుగు, గరం మసాలా, కొబ్బరి పొడి వేసి కలిపి, ఉడికించాలి.
Step 3
మైదా పిండిని పూరీ పిండిలా కలుపుకోవాలి. చిన్న చిన్న ముద్దలు చేసి, పూరీని ఒత్తాలి. దీంట్లో ఉడికించిన గోంగూర, బంగాళదుంప మిశ్రమాన్ని కొద్దిగా ఉంచి, కజ్జికాయ షేప్‌లో వచ్చేలా చేసి, చివరలు మూసివేయాలి.
Step 4
ఇలా తయారుచేసుకున్న వాటిని, కాగుతున్న నూనెలో వేసి, రెండు వైపులా వేయించుకోవాలి. ఈ పకోడాలను వేడి వేడిగా వడ్డించాలి.