Telugu Food Recipes | Delicious Food Recipes

మామిడి కొబ్బరి పులిహోర - నిమ్మకాయ పులిహోర బోర్ కొట్టినప్పుడు ఇలా వెరైటీ
మామిడి కొబ్బరి పులిహోర ట్రై చేయండి ఇది చాలా రుచిగా ఉంటుంది. పిల్లలు కూడా దీనిని
ఇష్టంగా తింటారు. మామిడి కొబ్బరి పులిహోర ఎలా తయారు చేసుకోవాలో నేర్చుకుందాం.

Prep Time

15 Minutes
Cooking Time

35 Minutes
Servings

Null

కావాల్సిన పదార్ధాలు

తగినంత ఉప్పు
2 రెమ్మలు కర్వేపాకు
2 టీస్పూన్లు పోపుదినుసులు
3 టేబుల్ స్పూన్లు నూనె
అరకప్పు కొబ్బరిముక్కలు
టీ స్పూన్ జీలకర్ర
2 టీస్పూన్ ధనియాలు
6 ఎండుమిర్చి
1 పెద్దసైజు మామిడికాయ
అరకిలో బియ్యం

తయారు చేయు విధానం

Step 1
ముందుగా బియ్యం కడిగి పొడిపొడిగా అన్నం వండి పక్కన పెట్టాలి.
Step 2
స్టవ్ మీద పాన్ పెట్టి ఎండిమిర్చి, ధనియాలు, జీలకర్ర వేసి దోరగా వేయించాలి. వీటిని మిక్సిలో వేసి మిక్సి పట్టాలి.
Step 3
ఇవి మెత్తగా అయ్యిన తరువాత మామిడి ముక్కలు, కొబ్బరి ముక్కలు, పసుపు కాస్త ఉప్పు వేసి మెత్తగా మిక్సి పట్టాలి.
Step 4
ఇప్పుడు స్టవ్ మీద పాన్ పెట్టి రెండు టీ స్పూన్లు నూనె వేసి కాగిన తరువాత , మిక్సి వేసిన మామిడి మిశ్రమం వేసి పచ్చి వాసన పోయేవరకు వేపి, దానిలో వండిన అన్నం, ఉప్పు వేసి బాగా కలిపి పక్కన పెట్టాలి.
Step 5
ఇప్పుడు స్టవ్ మీద పాన్ పెట్టి మిగిలిన నూనె వేసి కాగిన తరువాత పోపుదినుసులు, ఎండిమిర్చి, కరివేపాకు, వేరుసెనగగింజలు వేసి వేగాక స్టవ్ ఆపి ఈ పోపును మామిడి, కొబ్బరి మిశ్రమం వేసి కలపాలి.