Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే అమృత్‌సర్ ఆలు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

1-2

కావాల్సిన పదార్ధాలు

బంగాళదుంపలు - 150 గ్రా.
ఉల్లితరుగు - అరకప్పు,
అల్లంవె ల్లుల్లి పేస్ట్ - అర టీ స్పూన్,
వాము - అర టీ స్పూన్,
ఉప్పు - తగినంత,
శనగపిండి - 5 టీ స్పూన్లు,
ధనియాలపొడి - అర టీ స్పూన్
మిరప్పొడి - 2 టీ స్పూన్లు,
గరంమసాలా - అర టీ స్పూన్,
నూనె - వేయించడానికి తగినంత,
కొత్తిమీర - చిన్న కట్ట

తయారు చేయు విధానం

Step 1
బంగాళదుంపలను చిన్న ముక్కలుగా కట్ చేసుకోవాలి. ఒక గిన్నెలో శనగపిండి, అల్లంవెల్లుల్లిపేస్ట్, ఉప్పు, వాము వేసి బాగా కలపాలి.
Step 2
బంగాళదుంప ముక్కలను ఇందులో వేసి కలిపి పావుగంటసేపు నాననివ్వాలి.
Step 3
తరవాత ఒక బాణలిలో కొద్దిగా నూనె వేసి కాగిన తరవాత ఈ ముక్కలను అందులో వేసి గోధుమరంగువచ్చేవరకు వేయించి తీసేయాలి.
Step 4
తరవాత అదే బాణలిలో ఉల్లితరుగు వేసి గోధుమరంగు వచ్చేవరకు వేయించాలి.
Step 5
తరవాత ఉప్పు, పసుపు, మిరప్పొడి, గరంమసాలా, ధనియాలపొడి వేసి బాగా కలపాలి.
Step 6
తరవాత వేయించి ఉంచుకున్న బంగాళదుంప ముక్కలను ఇందులో వేసి మంటను బాగా తగ్గించి రెండు నిమిషాలు ఉంచి దించేయాలి.
Step 7
చివరగా కొత్తిమీరతో గార్నిష్ చేయాలి. అమృత్‌సర్ ఆలు పరాఠాలలోకి బావుంటుంది.