Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉల్లికాడల మోర్‌కొళంబు ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-4

కావాల్సిన పదార్ధాలు

ఉల్లికాడల తరుగు - కప్పు,
కమ్మటి గడ్డపెరుగు - రెండు కప్పులు,
శనగపప్పు - 50 గ్రా.
పచ్చికొబ్బరి తురుము - అర కప్పు,
ధనియాలు - రెండు టీ స్పూన్లు,
అల్లం - చిన్న ముక్క,
ఇంగువ - పావు టీ స్పూను,
జీలకర్ర - పావు టీ స్పూను,
కరివేపాకు - రెండు రెబ్బలు,
కొత్తిమీర - కట్ట,
ఉప్పు - తగినంత
పచ్చిమిర్చి - 8
పోపు కోసం:-
ఎండుమిర్చి - 2,
జీలకర్ర - అర టీ స్పూను,
మినప్పప్పు - టీ స్పూను,
ఆవాలు - టీ స్పూను,
మెంతులు - పావు టీ స్పూను పసుపు - చిటికెడు,
నెయ్యి - టీ స్పూను,
ఇంగువ - చిటికెడు

తయారు చేయు విధానం

Step 1
శనగపప్పును అరగంటసేపు నానబెట్టి నీరు వంపేయాలి.
Step 2
అందులో పచ్చికొబ్బరితురుము, పచ్చిమిర్చి, అల్లం, ధనియాలు, జీలకర్ర, ఇంగువ అన్నీ కలిపి గ్రైండ్ చేసి పక్కన ఉంచుకోవాలి.
Step 3
శుభ్రంగా కడికిన ఉల్లికాడలను మెత్తగా ఉడికించాలి.
Step 4
గ్రైండ్ చేసుకున్న మిశ్రమం, తగినంత నీరు పోసి మెత్తగా మరో పదినిముషాలు ఉడికించాలి.
Step 5
స్టౌ మీద బాణలి పెట్టి టీ స్పూను నెయ్యి వేసి వేడయ్యాక అందులో ఎండుమిర్చి, ఆవాలు, జీలకర్ర, మెంతులు, మినప్పప్పు, పసుపు, ఇంగువ, కరివేపాకు వేసి వేయించి దానిని ఉడికించిన మిశ్రమంలో వేయాలి.
Step 6
తరవాత స్టౌవ్ మించి దించి ఈ మొత్తాన్ని పెరుగులో వేసి చివరగా ఉప్పు వేసి బాగా కలపాలి.
Step 7
చివరగా కొత్తిమీరతో గార్నిష్ చేయాలి. ఇది అన్నం, చపాతీ, పూరీ, దోసెలతో తీసుకోవచ్చు.
Step 8
ఇందులో పావుకప్పు కారాబూందీ కూడా పైన చల్లుకోవచ్చు.