Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పాలక్ కాశ్మీర్ కోఫ్తా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

20 Minutes
Servings

1-3

కావాల్సిన పదార్ధాలు

పాలకూర - 100 గ్రా.,
ఉప్పు - తగినంత,
నూనె - డీప్ ఫ్రైకి సరిపడినంత,
జీలకర్ర - అర టీ స్పూను,
మైదా - రెండు టేబుల్ స్పూన్లు,
జీడిపప్పు - 50 గ్రా.
నీరు - తగినంత,
ఏలకుల పొడి - అర టీస్పూను,
స్వీట్ క్రీమ్ - 2 టీ స్పూన్లు,
ధనియాలపొడి - టీ స్పూను,
కసూరీ మేథీ - టీ స్పూను

తయారు చేయు విధానం

Step 1
ముందుగా పాలకూరను మెత్తగా ఉడికించి, చల్లారిన తరవాత కొద్దిగా ఉప్పు జత చేసి మెత్తగా పేస్ట్ చేసి ఒక బౌల్‌లోకి తీసుకోవాలి.
Step 2
పాన్‌లో టీ స్పూను నూనె కాగిన తరవాత అందులో జీలకర్ర వేసి దోరగా వేగాక మైదా వేసి పచ్చివాసన పోయేవరకు వేయించి దింపి, ఈ మిశ్రమాన్ని పాలకూర పేస్ట్‌లో వేసి కోఫ్తా(బాల్స్ మాదిరి)లా తయారుచేసుకోవాలి.
Step 3
పాన్‌లో నూనె కాగిన తరవాత అందులో ఈ కోఫ్తాలను డీప్ ఫ్రై చేసి తీసి పక్కన ఉంచుకోవాలి.
Step 4
జీడిపప్పులో తగినంత నీరు పోసి పేస్ట్ (మరీ పల్చగా ఉండకూడదు) చేయాలి.
Step 5
ఒక పాన్‌లో ఈ పేస్ట్ వేసి కొద్దిగా ఉడికిన తరవాత ఏలకులపొడి, ధనియాలపొడి, కసూరీ మేథీ, స్వీట్ క్రీమ్ వేసి రెండు నిముషాలు ఉడికించితే గ్రేవీ తయారవుతుంది.
Step 6
ఇందులో పాలక్ కోఫ్తాలు వేసి ఐదునిముషాలు ఉంచితే పాలక్ కాశ్మీర్ కోఫ్తా రెడీ అయినట్లే.