Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఎగ్ పరాటా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

10 Minutes
Servings

1

కావాల్సిన పదార్ధాలు

గుడ్డు -1 (రెండు పరాటాలకు),
గోధుమపిండి/మైదా - 1 కప్పు,
టమోటో - 1,
ఉల్లిపాయ -1,
కొత్తిమీర - 1 కట్ట,
పచ్చిమిర్చి - 1,
ఉప్పు - రుచికి సరిపడా,
కారం - అర టీ స్పూను,
చాట్ మసాలా - అర టీ స్పూను,
ధనియాలపొడి - అర టీ స్పూను,
జీరాపొడి - అర టీ స్పూను,
నూనె - పరాటాలు కాల్చడానికి సరిపడా.

తయారు చేయు విధానం

Step 1
పిండిలో సరిపడా నీరు పోసి ముద్దలా చేసుకుని అరగంట నానబెట్టాలి.
Step 2
ఉల్లిపాయ, పచ్చిమిర్చి, టమోటోలను సన్నగా తరగి ఒక పాత్రలో వేసి గుడ్డుతో పాటు మిగతా పొడులు, కొత్తిమీర, ఉప్పు వేసి బాగా గిలకొట్టి పక్కనుంచాలి.
Step 3
సరిపడా పిండి ముద్దని తీసుకుని గుండ్రంగా రుద్దుకుని, తర్వాత పొడిపిండి కొద్దిగా చల్లుతూ త్రికోణంలా మడతపెట్టి సాగదీయాలి.
Step 4
తర్వాత పెనం పై వేసి సన్నని మంటపై కాలుస్తే ఒక వైపు పొంగుతుంది.
Step 5
పొంగిన వైపు కత్తితో కట్ చేసి, అందులో గుడ్డు మిశ్రమాన్ని స్పూనుతో పలచగా రుద్ది, అంచును ఒత్తాలి.
Step 6
తర్వాత గుడ్డు పచ్చివాసన పోయేదాకా రెండువైపులా కాల్చుకోవాలి. ఈ పరాటాలు వేడివేడిగా రైతాతో తింటే చాలా రుచిగా ఉంటాయి.