Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ప్రాన్స్ మంచూరియా ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1

కావాల్సిన పదార్ధాలు

ప్రాన్స్ - 200 గ్రా;
అజినమోటో - టీ స్పూన్
ఉప్పు - తగినంత;
మిరియాల పొడి - రెండు టీ స్పూన్లు
కోడిగుడ్డు - ఒకటి;
కార్న్‌ఫ్లోర్ - అర కప్పు;
మైదాపిండి - పావు కప్పు
నూనె - డీప్ ఫ్రైకి సరిపడా;
పచ్చిమిర్చి తరుగు - రెండు టీ స్పూన్లు
అల్లంవెల్లుల్లి తరుగు -నాలుగు టీ స్పూన్లు;
పసుపు - చిటికెడు
కారం - టీ స్పూన్;
కొత్తిమీర - కట్ట (సన్నగా తరగాలి)

తయారు చేయు విధానం

Step 1
ముందుగా ప్రాన్స్‌ని శుభ్రంగా కడిగి వేడినీటిలో ఒక మోస్తరుగా ఉడికించి పక్కనపెట్టుకోవాలి.
Step 2
ఒక గిన్నెలో అర టీ స్పూన్ అజినమోటో, ఉప్పు, అర టీ స్పూన్ మిరియాల పొడి, కోడిగుడ్డుసొన, కార్న్‌ఫ్లోర్, మైదాపిండి వేసి తగినంత నీటితో గరిటజారుగాకలుపుకోవాలి.
Step 3
ఆ మిశ్రమంలో ఉడికించిన ప్రాన్స్ వేసి కలపాలి.
Step 4
పాన్‌లో నూనె పోసి వేడయ్యాక కలిపిపెట్టుకున్న రొయ్యల మిశ్రమాన్ని పకోడీల్లా వేసుకుని వేయించి పక్కన పెట్టుకోవాలి.
Step 5
ఇప్పుడు వేరొక పాన్ పెట్టుకుని పావు కప్పు నూనె వేసి వేడయ్యాక అందులో పచ్చిమిర్చి తరుగు, అల్లంవెల్లుల్లి తరుగు, అర టీ స్పూన్ అజినమోటో, అర టీ స్పూన్ మిరియాలపొడి, ఉప్పు, పసుపు, కారం వేసి దోరగా వేయించాలి.
Step 6
ఇప్పుడు ముందుగా వేయించి పెట్టుకున్న ప్రాన్స్ పకోడీని కూడా కలిపి తక్కువ సెగ మీద అయిదారు నిమిషాలు తిప్పి సర్వింగ్ బౌల్‌లోకి తీసుకుని కొత్తిమీరతో గార్నిష్ చేస్తే ప్రాన్స్ మంచూరియా రెడీ...