Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బొమ్మిడాయిలు... మామిడికాయ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

1-4

కావాల్సిన పదార్ధాలు

బొమ్మిడాయిలు - కేజీ
మామిడికాయ ముక్కలు - 1 కప్పు
ఉల్లిపాయలు - 2
పచ్చిమిర్చి - 5 (మధ్యకు చీల్చుకోవాలి)
అల్లంవెల్లుల్లి పేస్టు - 1 టేబుల్‌ స్పూన్‌
కారం- 2 టేబుల్‌ స్పూన్లు
పసుపు - చిటికెడు
ఉప్పు - సరిపడా
నూనె - తగినంత
కొత్తిమీర తరుగు - 2 టేబుల్‌ స్పూన్లు
ధనియాలు, జీలకర్ర పొడి - 1 టేబుల్‌ స్పూన్‌

తయారు చేయు విధానం

Step 1
బొమ్మిడాయిల్ని శుభ్రం చేసి చిన్నవైతే అలాగే వేసుకోవచ్చు. కొంచెం పెద్దవైతే ముక్కలు చేసుకోవాలి.
Step 2
ఉల్లిపాయల్ని సన్నగా తరగాలి. పొయ్యి వెలిగించి చేపలగిన్నె (మందంగా, వెడల్పుగా ఉండే గిన్నె) పెట్టుకోవాలి.
Step 3
దానిలో నూనె వేసి వేడెక్కాక ఉల్లి, పచ్చిమిర్చి వేసి కొద్దిగా వేగనివ్వాలి.
Step 4
అందులోనే అల్లంవెల్లుల్లి పేస్టు వేసి మరికొంత సేపు వేగనివ్వాలి. తర్వాత ఉప్పు, కారం, పసుపు, చేపముక్కలు వేసి బాగా కలపాలి.
Step 5
కొద్దిసేపయ్యాక మామిడికాయ ముక్కలు వేసి, కొద్దిగా నీళ్లు పోసి మూత పెట్టి సన్నని సెగమీద ఉడకనివ్వాలి.
Step 6
అవసరమైతే మరికొన్ని నీళ్లు చల్లుకోవచ్చు. ఈ కూరని గరిటెతో కలిపితే ముక్కలు చితికిపోతాయి.
Step 7
గిన్నెనే పట్టుకుని మధ్య మధ్యలో కదపాలి. చివరిలో ధనియాలు, జీలకర్రపొడి చల్లుకోవాలి.
Step 8
ఆ తర్వాత కొత్తిమీర తురుము కూడా చల్లుకుని దించేయాలి.