Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చేపల ఇగురు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

1-4

కావాల్సిన పదార్ధాలు

చేపలు - 1/2 కిలో,
పచ్చిమిరపకాయలు - రెండు,
జీలకర్ర - రెండు స్పూన్లు,
కొబ్బరి - సగం చిప్ప,
ఉల్లిపాయలు - రెండు,
వెల్లుల్లి - మూడు,
కొబ్బరి - అర్ధ చిప్ప,
కారం - రెండు స్పూన్లు,
పొడి మసాలా - కొంచెం,
పసుపు - రెండు స్పూన్లు,
అల్లం - చిన్న ముక్క,
ఉప్పు - సరిపడేంత.

తయారు చేయు విధానం

Step 1
ముందుగా చేపలను శుభ్రపరుచుకుని.. మీకు కావలసిన సైజులో కట్ చేసుకుని సిద్ధంగా ఉంచుకోవాలి.
Step 2
ఈలోగా పచ్చిమిరపకాయలు, ఉల్లిపాయలను కూడా ముక్కలుగా చేసుకోవాలి.
Step 3
అలాగే కొబ్బరి కోరుకుని పాలు తీసి పెట్టుకుని.. అల్లం, జీలకర్ర, వెల్లుల్లిపాయలు మెత్తగా నూరుకోవాలి.
Step 4
ఇప్పుడు స్టౌమీద ఒక బాణలిలో నూనె పోసి అది బాగా కాగాక అందులో ఉల్లి, పచ్చిమిరపకాయ ముక్కల్ని వేసి.. వేయించాక అందులో కారం, పసుపు, ఉప్పు, అల్లం ముద్ద, చేపముక్కలు వేసుకోవాలి. అలాగే ఒక పావుశేరు నీళ్లు కూడా పోయాలి.కొద్ది సేపు ఉడికిన తర్వాత కొబ్బరి పాలు పోసి మళ్లీ ఉడికించాలి.
Step 5
ఈ మిశ్రమం బాగా ఉడికిన తర్వాత అందులో కొత్తమీర చల్లి దించేస్తే వేడివేడి చేపల ఇగురు రెడీ.