Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నవరాత్రి స్పెషల్ బెల్లం కేసరి ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

1-3

కావాల్సిన పదార్ధాలు

సన్న రవ్వ -1 cup
నెయ్యి / వెన్న: 3tsp
బెల్లం తురుము - 1cup
జీడిపప్పు, కిస్‌మిస్, బాదం పలుకులు - 1/2cup(అన్ని కలిపి)
యాలకులపొడి - ½tsp
కుంకుమ: 1 చిటికెడు(పసుపు లేదా ఎరుపు ఫుడ్ కలర్)
నీళ్లు - రెండుంబావు కప్పులు.

తయారు చేయు విధానం

Step 1
ముందుగా ఫ్రైయింగ్ పాన్ లో కొద్దిగా నెయ్యి వేసి డ్రై ఫ్రూట్స్ అన్నింటిని రెండు మూడు నిముషాలు తక్కువ మంట మీద వేయించుకోవాలి. తర్వాత వీటిని పక్కకు తీసుకొని చల్లారనివ్వాలి.
Step 2
తర్వాత పాన్ లో కొద్దిగా నెయ్యి వేసి వేడిచేసి రవ్వను కమ్మటి వాసన వచ్చేవరకూ వేయించుకుని తీసుకోవాలి. కలియబెడుతూ వేయించడం వల్ల రవ్వ బ్రౌన్ కలర్ కు మారకుండా ఉంటాయి.
Step 3
ఇప్పుడు అదే పాన్ లో చాలా కొద్దిగా నీళ్లు తీసుకోవాలి. అందులో బెల్లం తురుము వేసి మంట తగ్గించాలి. బెల్లం కరిగాక దింపేయాలి.
Step 4
మరో పాన్ లో మిగిలిన నీళ్లు తీసుకుని స్టౌమీద మరగించాలి. నీరు మరుగుతున్నప్పుడు కొద్దిగా నెయ్యి, రవ్వ వేసి మంట తగ్గించేయాలి.
Step 5
రవ్వ ఉడికాక బెల్లం కరిగించిన నీరు వేసి బాగా కలపాలి.
Step 6
మంట తగ్గించి మధ్యమధ్య కలుపుతుంటే కాసేపటికి కేసరి దగ్గరకు వస్తుంది. అప్పుడు మిగిలిన నెయ్యీ, వేయించి పెట్టుకున్న జీడిపప్పూ, కిస్‌మిస్, బాదం పలుకులూ, యాలకులపొడీ వేసి కలపాలి.
Step 7
రెండు నిమిషాల తరవాత దింపేయాలి. అంతే బెల్లం కేసరి బాత్ రెడీ. నవరాత్రి స్పెషల్ గా దుర్గా దేవికి నైవేద్యం, మనకు ప్రసాదం..