Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మామిడికాయ పప్పుచారు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

1-2

కావాల్సిన పదార్ధాలు

మామిడికాయ - 1,
కందిపప్పు - కప్పు,
ఉల్లిపాయ - 1,
టొమాటో - 1,
పచ్చిమిర్చి - 4,
ఎండుమిర్చి - 3,
ఆవాలు, జీలకర్ర - టీ స్పూన్,
పసుపు- అర టీ స్పూన్,
వెల్లుల్లి - 5 రెబ్బలు (కచ్చాపచ్చాగా దంచాలి),
ధనియాలపొడి -టీ స్పూన్,
కరివేపాకు - 2 రెమ్మలు,
కారం - అర టీ స్పూన్,
కొత్తిమీర - టీ స్పూన్,
నూనె - 2 టేబుల్ స్పూన్లు,
ఉప్పు - తగినంత

తయారు చేయు విధానం

Step 1
మామిడికాయను కడిగి తగినన్ని నీళ్లు పోసి ఉడికించి, చల్లారనివ్వాలి. తగినన్ని నీళ్లు పోసి పప్పు మెత్తగా ఉడికించి పక్కన ఉంచాలి.
Step 2
పప్పును పలుకులుగా లేకుండా మెదపాలి. ఉల్లిపాయలు, టొమాటోలు, పచ్చిమిర్చి మరీ సన్నగా కాకుండా ముక్కలుగా కట్ చేసుకోవాలి.
Step 3
గిన్నెలో నూనె వేడయ్యాక ఆవాలు, జీలకర్ర, ఎండుమిర్చి, పచ్చిమిర్చి, వెల్లుల్లి, పసుపు, ఉల్లిపాయలు, కరివేపాకు, టొమాటో ముక్కలు, ఒకదాని తర్వాత ఒకటి వేసి మగ్గనివ్వాలి.
Step 4
ఉడికిన మామిడికాయను రసం తీసి పప్పులో పోసి కలపాలి.
Step 5
ఈ మిశ్రమాన్ని ఉడుకుతున్న ముక్కల్లో పోసి, కారం, ఉప్పు కలిపి మరగనివ్వాలి.
Step 6
తర్వాత ధనియాలపొడి, కొత్తిమీర వేసి మరిగిన తర్వాత దించాలి. రుచి కోసం సాంబారుపొడి వేసుకోవచ్చు.