Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కాశ్మీరీ పులావ్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

1-2

కావాల్సిన పదార్ధాలు

బాస్మతి రైస్- 500 గ్రా
ఉల్లిపాయ ముక్కలు- 100గ్రా
దాల్చిన చెక్క - 5 గ్రా
ఏలకులు - 5 గ్రా
లవంగాలు - 5 గ్రా
జీలకర్ర - అర స్పూన్
బిర్యానీ ఆకు- ఒకటి
కుంకుమ పువ్వు - గ్రాము
పాలు - 10 మి.లీ
వాల్‌నట్ - 20 గ్రా
జీడిపప్పు- 20 గ్రా
కిస్‌మిస్ - 20 గ్రా
ఆపిల్ ముక్కలు - 50 గ్రా
పియర్ ముక్కలు- 50 గ్రా
నీరు- లీటరు
నెయ్యి- 50 గ్రా
ఉప్పు- తగినంత
తరిగిన కొత్తిమీర- కప్పు

తయారు చేయు విధానం

Step 1
బియ్యం కడిగి నీటిని పూర్తిగా వంపేయాలి. మందపాటి పాత్రలో నేతిని వేడి చేసి కిస్‌మిస్, వాల్‌నట్, జీడిపప్పులను వేయించి విడిగా తీసుకోవాలి.
Step 2
మిగిలిన నేతిలో ఉల్లిపాయ ముక్కలు, జీలకర్ర, బిర్యానీ ఆకు, దాల్చిన చెక్క, ఏలకులు, లవంగాలు వేసి వేయించాలి.
Step 3
అవి వేగిన తర్వాత కడిగిన బియ్యాన్ని వేసి రెండు నిమిషాల పాటు సన్నమంట మీద వేయించాలి.
Step 4
ఇప్పుడు పాలు, కుంకుమ పువ్వు, నీరు, ఉప్పు వేసి కలిపి మూత పెట్టాలి. నీరు మరగడం మొదలైన తర్వాత మంట తగ్గించి నీరంతా ఇంకేదాకా ఉంచి దించేయాలి. (బియ్యం, నీరు పై కొలతలను పాటిస్తే అన్నం అతుక్కోకుండా విడివిడిగా వస్తుంది).
Step 5
తర్వాత కొత్తిమీర, పండ్ల ముక్కలు, వేయించిన కిస్‌మిస్, వాల్‌నట్, జీడిపప్పులతో గార్నిష్ చేయాలి.
Step 6
గార్నిష్ చేసిన తరవాత మూత పెడితే కొంత సేపటికి వాటి సువాసన రైస్‌కు పట్టి, రుచి ఇనుమడిస్తుంది.