Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ప్లమ్ కేక్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

45 Minutes
Servings

2

కావాల్సిన పదార్ధాలు

మిల్క్ మెయిడ్ - ఒక టిన్ను
మైదా - 200 గ్రా., వెన్న - 100 గ్రా.
బేకింగ్ పౌడర్ - టీ స్పూను
వంటసోడా - అర టీ స్పూను
బిస్లరీ సోడా - 125 మి.లీ.
డ్రైఫ్రూట్స్ (కాజు, బాదం, ఆక్రోట్, టూటీ ఫ్రూటీ, కిస్‌మిస్) - 150 గ్రా.
పంచదార - 6 టీ స్పూన్లు
నీళ్లు - 50 మి.లీ.

తయారు చేయు విధానం

Step 1
కేక్ చేసే టిన్ను లోపల భాగమంతా వెన్న రాసి కొద్దిగా మైదాపిండి చల్లి గిన్నె అంతా పరుచుకునేలా కదపాలి.
Step 2
ఒక గిన్నెలో పంచదార కరిగించి ఎరగ్రా అయ్యాక అందులో పావు కప్పు నీళ్లు కలిపి క్యారమిల్ సిరప్ చేసి పెట్టుకోవాలి.
Step 3
మైదాపిండిలో వంటసోడా, బేకింగ్‌పౌడర్ వేసి రెండుసార్లు జల్లించాలి.
Step 4
వెడల్పాటి గిన్నెలో వెన్న కరిగించి మిల్క్‌మెయిడ్ వేసి బాగా కలపాలి. ఇందులో బిస్లరీ సోడా, మైదాపిండి మార్చిమార్చి వేస్తూ బాగా కలపాలి.
Step 5
చివర్లో క్యారమిల్ సిరప్, సన్నగా కట్ చేసుకున్న డ్రైఫ్రూట్స్ వేసి కలపాలి.
Step 6
వెన్న రాసి పెట్టుకున్న కేక్ టిన్నులో ఈ మిశ్రమం వేసి సమానంగా సర్దాలి.
Step 7
ఓవెన్‌ను 180 డిగ్రీ సెంటీగ్రేడ్ ఉష్ణోగ్రత దగ్గర వేడి చేసి ఈ కేక్ మిశ్రమాన్ని పెట్టి ముప్పావుగంట బేక్ చేయాలి.