Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యాప్సికం-బఠానీ కూర ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

క్యాప్సికం - 5
బఠానీలు - కప్పు
బెల్లం తురుము -1 స్పూన్
ధనియాలు - 2 స్పూన్లు
ఎండు మిరపకాయలు - 5
శనగపప్పు - 1 స్పూన్
కొబ్బరి తురుము - 3 స్పూన్లు
చింతపండు - కొద్దిగా
జీలకర్ర - 1/2 స్పూన్
ఆవాలు - 1 స్పూన్
కరివేపాకు - 2 రెబ్బలు
వేరుశనగపప్పు - 2 స్పూన్లు
పచ్చి మిరపకాయలు - 2
ఇంగువ -1 స్పూన్
ఉప్పు, నూనె, పసుపు, కారం - తగినంత

తయారు చేయు విధానం

Step 1
ముందుగా కప్పు నీరు పోసి బఠానీలను నానబెట్టుకోవాలి. ఆ తర్వాత కుక్కర్లో ఉడికించాలి.
Step 2
బౌల్‌లో 2 స్పూన్ల నూనె పోసి వేడి అయ్యాక ధనియాలు, ఇంగువ, 4 ఎండు మిరపకాయలు, శనగపప్పు వేసి వేయించాలి. *తరువాత కొబ్బరి తురుము, చింతపండు, కరివేపాకు కలిపి, పావుకప్పు నీరు పోసి మెత్తగా రుబ్బుకోవాలి.
Step 3
బౌల్‌లో టీ స్పూన్ నూనె వేసి ఆవాలు, జీలకర్ర, వేసి ఎండు మిరపకాయ వేసి తరువాత సగానికి చీలికలుగా కట్ చేసిన క్యాప్సికం ముక్కలు వేయాలి.
Step 4
మూతపెట్టి 10 నిమిషాలు ఉడికించాలి. ముక్కల్ని తీసి విడిగా పక్కన పెట్టుకోవాలి.
Step 5
బౌల్‌లోఉప్పు, బెల్లం, మసాలా పేస్ట్ వేసి, నీరు పోసి తక్కువ మంటపై మగ్గనివ్వాలి.
Step 6
చింతపండు పచ్చివాసన పోయేదాకా మరో పది నిమిషాలు ఉడకనివ్వాలి.
Step 7
వేరుశనగలు, క్యాప్సికం ముక్కలు వేసి సన్నని మంటపై చిక్కబడేదాకా ఉంచాలి. క్యాప్సికం-బఠానీ కూర రెడీ.