Telugu Food Recipes | Delicious Food Recipes

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యారెట్ గులాబ్ జామ్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

15 Minutes
Servings

2

కావాల్సిన పదార్ధాలు

క్యారెట్ తరుము: 1cup
కొబ్బరి తురము: 1cup
పంచదార: 2 cups
గులాబ్ జామ్ పౌడర్: 250grms
జీడిపప్పు: 50grms
బాదం పప్పు: 50grms
పంచదార(పాకానికి): 1/2kg
నెయ్యి: 1/2cup(వేయించడానికి)
యాలకుల పొడి: 1tsp

తయారు చేయు విధానం

Step 1
ఒక పాన్ స్టవ్‌ పై ఉంచి, కొద్దిగా నెయ్యి వేసి ముందుగా అందులో జీడిపప్పు, బాదంపప్పు ముక్కలు వేసి అవి వేగాక, క్యారెట్ తురుము వేసి వేగించాలి. తరువాత కొబ్బరి తురుము కూడా వేసి అయిదు నిమిషాలు వేగించి, తరువాత పంచదార వేసి కాస్త దగ్గరగా వచ్చే వరకు కలుపుతూ ఉండాలి. చివరగా యాలకుల పొడి చల్లి దించేయాలి.
Step 2
తరువాత మరో పాత్ర స్టవ్‌ పై ఉంచి అందులో కొద్దిగా నీళ్లు, పంచదార వేసి లేత పాకం వచ్చే వరకు గరిటెతో కలుపుతూ ఉండాలి. సువాసన కోసం ఈ పాకంలో యాలకుల పొడిగాని, రోజ్ వాటర్‌ గాని కలుపుకోవచ్చు.
Step 3
తర్వాత గులాబ్‌ జామ్ పౌడర్‌ లో నీళ్లు పోసి ఉండలు చేసుకునేందుకు వీలుగా పిండిని కలిపి అయిదు నిమిషాల పాటు నాననివ్వాలి.
Step 4
ఈలోపు క్యారెట్ హల్వాను కూడా చిన్న చిన్న ఉండలు చేసి పక్కన ఉంచుకోవాలి.
Step 5
తర్వాత గులాబ్‌ జామ్ పిండిని కొద్దిగా చేతిలోకి తీసుకుని చిన్న పూరీలా ఒత్తి అందులో క్యారెట్ ఉండను ఉంచి అంచులు కలిపేసి ఉండగా చేసుకోవాలి.
Step 6
ఇలా తయారైన ఉండలను చిన్న మంటపై ముదురు రంగు వచ్చేంత వరకు నేతిలో వేగించి తీసి పంచదార పాకంలో వేయాలి.